Мінскі НДІ радыёматэрыялаў

З пляцоўкі Вікіпедыя
ААТ «Мінскі НДІ радыёматэрыялаў»
(МНДІРМ)
Міжнародная назва MINSK RESEARCH INSTITUTE OF RADIOMATERIALS
Дата заснавання 1982
Тып адкрытае акцыянернае таварыства
Дырэктар Юрый Міхайлавіч Кернасоўскі
Юрыдычны адрас Flag of Belarus.svg Беларусь, 220024, Мінск, вул. Лейтэнанта Кіжаватава, 86-2.
Сайт mniirm.by

Адкрытае акцыянернае таварыства «Мінскі НДІ радыёматэрыялаў» — навукова-даследчае прадпрыемства ў складзе Аддзялення фізікі, матэматыкі і інфарматыкі НАН Беларусі. Працуе ў галіне распрацоўкі і вытворчасці электроннай кампанентнай базы ЗВЧ-тэхнікі.

Гісторыя[правіць | правіць зыходнік]

Інстытут створаны загадам Міністэрства прамысловасці сродкаў сувязі СССР ад 16 верасня 1982 года № 420 дсп «Аб арганізацыі Мінскага навукова-даследчага інстытута радыёматэрыялаў» для распрацоўкі і арганізацыі вытворчасці электроннай кампанентнай базы ЗВЧ-тэхнікі на аснове перспектыўных паўправадніковых матэрыялаў злучэнняў А3В5.

Датай стварэння Мінскага НДІ радыёматэрыялаў з правам юрыдычнай асобы лічыцца 01 кастрычніка 1982 года.

У адпаведнасці са Статутам МНДІРМ, зацверджаным 30 верасня 1982 года намеснікам Міністэрства прамысловасці сродкаў сувязі, асноўным напрамкам работ МНДІРМ з’яўляюцца распрацоўка, выраб вопытных партый і прамысловае ўкараненне спецыяльных матэрыялаў і тэхналогій, неабходных для вырабу элементаў, схем і прылад мікраэлектронікі, функцыянальнай электронікі ў апаратуры сродкаў сувязі.

У перыяд з 1983 па 1989 гады было ажыццёўлена будаўніцтва адміністрацыйнага і лабараторна-вытворчага карпусоў інстытута, аснашчэнне інстытута неабходным сучасным навукова-даследчым і тэхналагічным абсталяваннем, камплектаванне штата інстытута спецыялістамі неабходных спецыяльнасцей, разгорнуты навукова-даследчыя і доследна-канструктарскія работы па накіраванні дзейнасці інстытута.

3 2001 па 2010 МНДІРМ — навукова-даследчае рэспубліканскае унітарнае прадпрыемства, з 14.12.2010 — адкрытае акцыянернае таварыства.[1]. З 2003 — у складзе Дзяржкамваенпрама, з 2020 — у складзе НАН Беларусі.[2]

Інстытут валодае адзінай у рэспубліцы базай для распрацоўкі і вытворчасці оптаэлектронных вырабаў і ЗВЧ-маналітных інтэгральных сістэм падвышанай ступені інтэграцыі, сэнсарнай тэхнікі на аснове мікрамеханікі.

Напрамкі дзейнасці[правіць | правіць зыходнік]

  • распрацоўка і вытворчасць элементнай базы і функцыянальных вузлоў ЗВЧ-тэхнікі (цвёрдацельныя ЗВЧ маналітна-інтэгральныя схемы — малашумныя ўзмацняльнікі і ўзмацняльнікі магутнасці, ахоўныя прылады, перамыкачы, атэнюятары, пераўтваральнікі частаты ЗВЧ-модулі і інш.)
  • распрацоўка і вытворчасць оптаэлектронных кампанентаў і модуляў на іх аснове (фотадэтэктары, святловыпрамяняльныя дыёды, паўправадніковыя лазеры, аптычныя модулі прыёму і перадачы)
  • вытворчасць матэрыялаў для паўправадніковай вытворчасці — падкладкі арсеніду галію стандарту «epi-ready»
  • распрацоўка сэнсарнай тэхнікі, модуляў і сістэм (датчыкі кута нахілу, ціску, паскарэння, электронны компас і інш.)
  • распрацоўка і выраб медыцынскай тэхнікі

Зноскі

Спасылкі[правіць | правіць зыходнік]