Інстытут мікрабіялогіі НАН Беларусі
| Інстытут мікрабіялогіі НАН Беларусі | |
|---|---|
.svg) | |
| Арыгінальная назва | альтэрн.: Інстытут мікрабіялёгіі[1] |
| Заснаваны | 1975 |
| Сайт | mbio.bas-net.by |
Інстытут мікрабіялогіі Нацыянальнай акадэміі навук Беларусі быў утвораны ў 1975 годзе[2] на базе Аддзела мікрабіялогіі, што функцыяваў у рамках Акадэміі навук БССР з 1966 года[3]. Ля вытокаў арганізацыі Аддзела стаяў Сямён Андрэевіч Самцэвіч. Знаходзіцца на вуліцы акадэміка В. Ф. Купрэвіча, 2.
Навуковая дзейнасць
[правіць | правіць зыходнік]Асноўныя кірункі даследаванняў
[правіць | правіць зыходнік]- фізіялогія і біяхімія мікраарганізмаў;
- навуковыя асновы накіраванага сінтэзу біялагічна актыўных рэчываў і выкарыстанне мікраарганізмаў у прамысловасці, сельскай гаспадарцы, медыцыне і ахове навакольнага асяроддзя.
Вынікі даследаванняў
[правіць | правіць зыходнік]- Вывучаны механізмы рэгуляцыі Утварэння мікробных дэпалімсраз як элементаў складанай сістэмы адаптацыі, высокай канкурэнтаздольнасці і экалагічнай пластычнасці мікраарганізмаў, выяўлена роля злучэнняў ліпіднай прыроды ў адаптацыі мікраарганізмаў да стрэсавых уздзеянняў і распрацаваны прынцыпы атрымання ліпафільных біяантыаксідантаў новага пакалення, біялагічна актыўных злучэнняў тыпу прастагландзінаў.
- Распрацаваны навуковыя асновы біятэхналогіі атрымання злучэнняў з супрацьвіруснай і супрацьпухліннай актыўнасцямі, канцэпцыя рэгулявання дзейнасці мікрафлоры, якая забяспечвае інтэнсіфікацыю працэсаў разбурэння таксічных рэчываў, якія забруджваюць глебу.
- Упершыню прапанаваны шляхі біялагічнай рэкультывацыі тэрыторый, якія выведзены з сельскагаспадарчага карыстання, і новыя падыходы да біярэмедыяцыі глеб шляхам ужывання інтрадуцэнтаў шырокага спектра дзеяння.
- Створаны шэраг біяпрэпаратаў і тэхналогій, якія выкарыстоўваюцца ў медыцыне, сельскай гаспадарцы і ветэрынарыі.
Будова Інстытута на 01.06.2025
[правіць | правіць зыходнік]- Лабараторыя ферментаў
- Лабараторыя малекулярнай біятэхналогіі
- Лабараторыя ўзаемаадносін мікраарганізмаў глебы і вышэйшых раслін
- Ларабаторыя малочнакіслых і біфідабактэрый
- Лабараторыя прыродаахоўных біятэхналогій
- Лабараторыя «Калекцыя мікраарганізмаў»
- Аддзел мікробнай біяінжынерыі
- Галіновая лабараторыя малекулярных бія- і нанатэхналогій
- Лабараторыя «Цэнтр аналітычных і генна-інжырерных даследаванняў»
- Лабараторыя біятэхналогіі мікраміцэтаў
- Навукова-вытворчы цэнтр біятэхналогій
- Сектар суправаджэння навуковых праграм
- Сектар маркетынгу і міжнародных сувязей
Дырэктары інстытута ў розныя гады
[правіць | правіць зыходнік]- Анатоль Георгіевіч Лабанок (1975—2004)
- Эмілія Іванаўна Каламіец (2004—2022)
- Аляксандр Анатолевіч Шэпшэлеў (з 29 чэрвеня 2022)[4]
Крыніцы
[правіць | правіць зыходнік]- ↑ https://www.svaboda.org/a/24850485.html
- ↑ Постановление Совета Министров Белорусской ССР от 15 мая 1975 г. «Об организации Института микробиологии Академии наук БССР»(недаступная спасылка). Архівавана з першакрыніцы 25 снежня 2024. Праверана 3 чэрвеня 2025.
- ↑ Постановление № 536 Совета Министров БССР от 16 ноября 1965 г. «Об организации отдела микробиологии Академии наук БССР»(недаступная спасылка). Архівавана з першакрыніцы 25 снежня 2024. Праверана 3 чэрвеня 2025.
- ↑ Навука. — 2022. — 5 ліпеня. — С. 3
Літаратура
[правіць | правіць зыходнік]- Інстытут мікрабіялогіі Нацыянальнай акадэміі навук Беларусі // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 270. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
- Наука и инновации. — 2018. — № 11. — С. 53-63.
- Республика Беларусь: энциклопедия : [в 7 т.]. — Минск, 2006. — Т. 3. — С. 762
