Інстытут мяса-малочнай прамысловасці НАН Беларусі

Інстытут мяса-малочнай прамысловасці НАН Беларусі
Міжнародная назва	Institute of Meat and Dairy Industry of the National Academy of Sciences of Belarus
Дата заснавання	1960
Год рэарганізацыі	1986
Тып	навукова-вытворчае рэспубліканскае дачыннае ўнітарнае прадпрыемства
Дырэктар	Гардзей Уладзіміравіч Гусакоў
Юрыдычны адрас	Беларусь, 220075 Мінск, Партызанскі пр-т, 172.
Сайт	instmmp.by

Інстытут мяса-малочнай прамысловасці НАН Беларусі — навуковая ўстанова, якая ўваходзіць у структуру Навукова-практычнага цэнтра па харчаванні Нацыянальнай акадэміі навук Беларусі.

Гісторыя

У жніўні 1960 года у Беларускім навукова-даследчым інстытуце прамысловасці харчовых тавараў была створана навукова-даследчая лабараторыя малочнай галіны. У 1960 годзе пастановай Саўнаргаса Беларускай ССР на базе лабараторыі малочнай прамысловасці быў створаны Беларускі філіял Усесаюўнага НДІ малочнай прамысловасці (БФ УНДІМП) Міністэрства мясной і малочнай прамысловасці СССР. У 1978— 1979 гадах быў пабудаваны новы будынак філіяла, механічная эксперыментальная вытворчасць і вопытны малочны завод.

У 1986 годзе ў адпаведнасці з пастановай Дзяржаграпрама СССР на базе Беларускага філіяла УНДІМП, праектна-канструктарскага бюро мясной і малочнай прамысловасці Дзяржаграпрама Беларускай ССР, і іншых арганізацый было створана Дзяржаўнае прадпрыемства «Беларускі навукова-даследчы і канструктарска-тэхналагічны інстытут мясной і малочнай прамысловасці».

У 2000 годзе згодна загаду Міністэрства сельскай гаспадаркі і харчавання ДП прадпрыемства «БелНДКТІММП» перайменавана ў Навукова-вытворчае рэспубліканскае ўнітарнае прадпрыемства «БелНДКТІММП». Паводле Загаду Прэзідэнта Рэспублікі Беларусь ад 18 красавіка 2006 года № 242 УП «БелНДКТІММП» увайшло ў склад Навукова-практычнага цэнтра Нацыянальнай акадэміі навук Беларусі па харчаванню. У гэтым жа годзе УП «БелНДКТІММП» перайменавана ў Навукова-вытворчае рэспубліканскае дачыннае ўнітарнае прадпрыемства «Інстытут мяса-малочнай прамысловасці» Рэспубліканскага ўнітарнага прадпрыемства «Навукова-практычны цэнтр Нацыянальнай акадэміі навук Беларусі па харчаванню» (РУП «Інстытут мяса-малочнай прамысловасці»).

Агульная характарыстыка

Дзейнасць інстытута накіравана на ўдасканаленне і навуковае суправаджэнне малочнай і мясной галін Рэспублікі Беларусь і ўключае наступныя асноўныя напрамкі:

• распрацоўка і вытворчасць бактэрыяльных заквасак, прадуктаў для дзіцячага харчавання, а таксама харчовых дабавак функцыянальнай накіраванасці для мясной і малочнай прамысловасці;
• распрацоўка новых відаў прадуктаў, рэсурса- і энергасберагаючых, інавацыйных і імпартазмяшчальных тэхналогій і абсталявання для вытворчасці малочнай і мясной прадукцыі;
• распрацоўка новых тэхналогій і спосабаў санітарнай апрацоўкі тэхналагічнага абсталявання і вытворчага памяшкання;
• распрацоўка сучасных арганізацыйна-эканамічных падыходаў і падыходаў, накіраваных на павышэнне эфектыўнасці і канкурэнтаздольнасці мясной і малочнай прамысловасці;
• правядзенне выпрабаванняў сыру і гатовай прадукцыі па паказчыках якасці і бяспекі;
• стандартызацыя і нармаванне ў мясной і малочнай галінах;
• навукова-тэхналагічнае забеспячэнне мясной і малочнай прамысловасці, аказанне навукова-метадычнай і кансультацыйнай дапамогі спецыялістам прадпрыемстваў, удзел у развіцці і рэалізацыі дзяржаўных і галіновых праграм і інш.

Дырэктары

• Анатоль Фёдаравіч Крукаў (1986—1990)
• Канстанцін Васільевіч Аб’едкаў (1990—1993)
• Анатоль Максімавіч Дзмітрыеў (1993—2001)
• Мікалай Аляксандравіч Пракоп’еў (2001—2005)
• Аляксей Віктаравіч Меляшчэня (2005—2021)
• Гардзей Уладзіміравіч Гусакоў (з 2021)

Літаратура

• Мясной і малочнай прамысловасці Беларускі навукова-даследчы і канструктарска-тэхналагічны інстытут // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 78—79. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• Афіцыйная старонка інстытута