Хоцімск

Гарадскі пасёлак Хоцімск Сцяг Герб Краіна Беларусь Вобласць Магілёўская Раён Хоцімскі Каардынаты 53°24′30″ пн. ш. 32°34′20″ у. д. Першае згадванне Хоцімль — 1709 Радзівілаў — 1714 Гарадскі пасёлак з 1938 Насельніцтва 6 300 чалавек (2017) Часавы пояс UTC+3 Тэлефонны код +375 2247 Паштовы індэкс 213677 Аўтамабільны код 6 Хоцімск на карце Беларусі ±

Хоцімск на Вікісховішчы

Хо́цімск (афіц. транс.: Chocimsk) — гарадскі пасёлак у Магілёўскай вобласці Беларусі, цэнтр Хоцімскага раёна, на рацэ Беседзь. За 207 км ад Магілёва, 37 км ад чыгуначнай станцыі Камунары на лініі Крычаў—Унеча. Аўтадарогі на Касцюковічы, Сураж. Самае ўсходняе гарадское паселішча Беларусі. Насельніцтва 6 300 чал. (2017).

Гісторыя

Упершыню згадваецца ў 1709 годзе. Спачатку ў Крычаўскім графстве, потым у Клімавіцкім павеце Магілёўскай губерні. З 1919 г. у Гомельскай губерні РСФСР, з 1924 года ў складзе БССР. ў 1866—1914 гг. дзейнічала пенькатрапальная фабрыка. Мела паравы рухавік. У 1881 годзе працавала 10 чалавек, апрацавана 1050 пудоў пянькі. У 1910 годзе працавала 50 чалавек. У 1924—1931 гг. і з 1935 года Хоцімск — цэнтр Хоцімскага раёна Калінінскай, з 1938 г. Магілёўскай вобласці, гарадскі пасёлак. У час Вялікай Айчыннай вайны акупіраваны нямецка-фашыскімі захопнікамі з 15 жніўня 1941 г. да 26 верасня 1943 г. У 1962—1966 гг. у складзе Касцюковіцкага раёна.

Насельніцтва

• 1995 — 8 тыс. чал.
• 2016 — 6 447 чал.
• 2017 — 6 300 чал.

Эканоміка

Прадпрыемствы харчовай, будаўнічых матэрыялаў, першаснай апрацоўкі льна прамысловасці. Гасцініца.

Культура

Хоцімскі гісторыка-краязнаўчы музей

• Хоцімскі гісторыка-краязнаўчы музей
• Хоцімскі дом рамёстваў

Славутасці

• Свята-Троіцкі сабор (1861—1873) — помнік архітэктуры рэтраспектыўна-рускага стылю,  Гісторыка-культурная каштоўнасць Беларусі, шыфр 513Г000538
• Свята-Пакроўская царква (1892) — помнік народнага дойлілства,  Гісторыка-культурная каштоўнасць Беларусі, шыфр 513Г000540
• Дом па Камсамольскай вуліцы, 22 (пачатак XX ст.) —  Гісторыка-культурная каштоўнасць Беларусі, шыфр 513Г000537
• Дом па вуліцы Дзяржынскага, 13а (пачатак XX ст.)
• Дом па вуліцы Садовай, 20 (1911).

Вядомыя асобы

• Іосіф Ільіч Агроскін (1900—1968) — вучоны ў галіне гідратэхнікі. Заслужаны дзеяч навукі і тэхнікі РСФСР.
• Сяргей Мікалаевіч Блажко (1870—1956) — рускі і савецкі астраном.
• Ісак Натанавіч Віннікаў (1897—1973) — савецкі ўсходазнавец
• Аляксей Зарыцкі (1911—1987) — беларускі пісьменнік, перакладчык
• Таццяна Козік (нар. 1962) — беларуская габеленшчыца, мадэльер адзення, жонка пісьменніка Алеся Аркуша
• Іван Сямёнавіч Кулікоў (нар. 1949)— беларускі вучоны ў галіне энергетыкі і энергетычнага машынабудавання
• Пётр Рыгоравіч Піўчанка (нар. 1947) — беларускі вучоны-медык у галіне анатоміі чалавека
• Міхаіл Якаўлевіч Фрадкін (1891—1973) — вучоны ў галіне афтальмалогіі, доктар медыцынскіх навук.
• Тамара Піліпаўна Персікава (нар. 1952) — беларускі аграхімік, глебазнавец. Доктар сельскагаспадарчых навук (2003), прафесар (2004).

Гл. таксама

• Пасёлкі гарадскога тыпу Магілёўскай вобласці
• Пасёлкі гарадскога тыпу Беларусі

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.
• Хотимск // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн.: Беларуская Энцыклапедыя, 2007. — 648 с. ISBN 978-985-11-0384-9
• Беларусь: Энцыкл. даведнік / Беларуская энцыклапедыя; Рэдкал. Б. І. Сачанка (гал. рэд.) і інш.. — Мн.: БелЭн, 1995. — С. 743. — 800 с. — 5 000 экз. — ISBN 985-11-0026-9.

Спасылкі

• На Вікісховішчы ёсць медыяфайлы па тэме Хоцімск

• Геаграфічныя звесткі па тэме Хоцімск на OpenStreetMap
• З гістарычнага мінулага Хоцімска // Афіцыйны сайт Хоцімскага раённага выканаўчага камітэта
• Надвор'е ў гарадскім пасёлку Хоцімск
• О возникновении Хотимска существует три версии(руск.)