Юджын Гладстан О’Ніл

Юджын Гладстан О’Ніл
англ.: Eugene Gladstone O'Neill
Асабістыя звесткі
Дата нараджэння	16 кастрычніка 1888(1888-10-16)[…]
Месца нараджэння	Нью-Ёрк, штат Нью-Ёрк, ЗША
Дата смерці	27 лістапада 1953(1953-11-27)[…] (65 гадоў)
Месца смерці	Бостан, акруга Сафалк, Масачусетс, ЗША
Пахаванне	Forest Hills Cemetery[d]
Грамадзянства	ЗША
Бацька	Джэймс О'Ніл[d]
Маці	Ella O'Neill[d]
Жонка	Agnes Boulton[d] і Carlotta Monterey[d]
Дзеці	Уна О'Ніл[d] і Eugene O'Neill, Jr.[d]
Альма-матар	Прынстанскі ўніверсітэт
Прафесійная дзейнасць
Род дзейнасці	драматург, сцэнарыст, пісьменнік
Мова твораў	англійская
Грамадская дзейнасць
Член у	Амерыканская акадэмія мастацтваў і літаратуры[d] Амерыканскае філасофскае таварыства
Прэміі
Узнагароды	Прэмія Лорэнса Аліўе Пулітцэраўская прэмія за найлепшую драму[d] (1957) Пулітцэраўская прэмія за найлепшую драму[d] (1928) Пулітцэраўская прэмія за найлепшую драму[d] (1922) Пулітцэраўская прэмія за найлепшую драму[d] (1920) зорка на «Алеі драматургаў»[d] Tony Award for Best Play[d] (21 красавіка 1957)
Подпіс
eoneill.com (англ.)
Медыяфайлы на Вікісховішчы

Юджын Гладстан О’Ніл (англ.: Eugene Gladstone O'Neill, 16 кастрычніка 1888 — 27 лістапада 1953) — амерыканскі драматург, лаўрэат Нобелеўскай прэміі па літаратуры (1936), лаўрэат Пулітцэраўскай прэміі (1920, 1922, 1928). П’есу «Любоў пад вязамі» на беларускую мову пераклаў Васіль Сёмуха (1986).

Біяграфія

Нарадзіўся ў Нью-Ёрку ў сям’і Элы (Квінлан) О’Ніл і вядомага амерыканскага акцёра Джэймса О’Ніла. Вучыўся ў каталіцкай школе-інтэрнаце ў Нью-Ёрку, затым у школе ў Нью-Лондане. У 1902 г. паступіў у інтэрнат для пратэстантаў і каталікоў у Канектыкуце. У 1906 г. паступіў у Прынстанскі ўніверсітэт, але праз год кінуў вучобу. У 1909 г. ажаніўся супраць волі бацькі і адправіўся золаташукальнікам у Гандурас, затым у Англію і Аргенціну, дзе бадзяўся і жыў у галечы. У 1911 г. вярнуўся ў Нью-Ёрк. У 1912 г. пачаў пісаць п’есы. З 1914 г. стаў наведваць семінар Дж. П. Бекера па драматургіі ў Гарвардскім універсітэце. У 1916 г. адбылася першая пастаноўка п’есы О’Ніла («На ўсход, на Кардыф»). З 1920 г. яго п’есы пачынаюць ставіць на Брадвеі. З 1920 па 1923 гг. драматург страціў бацьку, маці і брата, у 1928 г. развёўся з другой жонкай. У 1929 г. ажаніўся ў трэці раз з актрысай Карлотай Монтрэ. У 1920—1943 гг. стварыў больш за 20 п’ес. У 1936 г. драматург быў удастоены Нобелеўскай прэміі па літаратуры. У 1943 г. цалкам страціў працаздольнасць з-за паражэння нервовай сістэмы.