Будынак абутковай фабрыкі Цытвера
| Славутасць | |
| Абутковая фабрыка Цытвера | |
_05.jpg)
| |
| 53°54′31″ пн. ш. 27°33′25″ у. д.HGЯO | |
| Краіна | Беларусь |
|---|---|
| Горад | Мінск |
| Дата пабудовы | XX стагоддзе |
| Статус |  Гісторыка-культурная каштоўнасць Беларусі, шыфр 711Е000001
|
 Абутковая фабрыка Цытвера на Вікісховішчы
| |
Буды́нак абутко́вай фа́брыкі М. Цы́твера[1] — будынак у Мінску, размешчаны ў Траецкім прадмесці па адрасе вул. Максіма Багдановіча, 15 (ранейшы адрас — вул. Аляксандраўская, 11). Разам з дамамі № 13 і 17 уяўляе сабой вялікі аб'ёмны будынак, які мае адзіны план сіметрычнай кампазіцыі, адзіны дваровы фасад. У будынках размешчаны Дзяржаўны музей гісторыі беларускай літаратуры.
Гісторыя[правіць | правіць зыходнік]
Пабудаваны ў XX ст. з цэглы. Абутковая фабрыка адкрылася ў 1871 годзе як шавецкая майстэрня. Абутак шыўся з загатовак, што паступалі ад рамеснікаў[2]. Вядома, што ў 1913 годзе на фабрыцы было занята 40 працоўных, дзейнічаў рухавік. У тым жа годзе было выраблена абутку на 55 тысяч рублёў[3].
Архітэктура[правіць | правіць зыходнік]
Дом № 15 уяўляе сабой двухпавярховы будынак, падзелены па гарызанталі карнізным поясам. Другі паверх дома члянёны лучковымі вокнамі ў простых ліштвах, некаторыя з іх дапоўнены лучковымі сандрыкамі. Цэнтр агульнага з дамамі № 13 і 17 дваровага фасада вылучаны неглыбокім рызалітам з плоскімі лапаткамі па вуглах і ступеньчатым атыкам. Бакавыя рызаліты дваровага фасада завершаны трохвугольнымі люкарнамі. На другім паверсе праходзіць лёгкая драўляная галерэя, на якую вядзе лесвіца.
Зноскі
- ↑ Мінск. Глобус Беларусі. Архівавана з першакрыніцы 17 жніўня 2011. Праверана 14 снежня 2010.
- ↑ Минскъ сто гадоў таму, 2007, с. 221
- ↑ Вуліца Максіма Багдановіча. Мінск стары і новы. Архівавана з першакрыніцы 17 жніўня 2011. Праверана 14 снежня 2010.
Літаратура[правіць | правіць зыходнік]
- Збор помнікаў гісторыі і культуры Беларусі. — Мн.: Беларуская савецкая энцыклапедыя, [1986—1988].
- Шыбека З. В. Минскъ сто гадоў таму. — Мінск: Беларусь, 2007. — 304 с. — 3 000 экз. — ISBN 978-985-01-0729-9.
Спасылкі[правіць | правіць зыходнік]
На Вікісховішчы ёсць медыяфайлы па тэме Будынак абутковай фабрыкі Цытвера- Будынак абутковай фабрыкі Цытвера на сайце Глобус Беларусі (руск.)
