Дэпо Мінскага добраахвотнага пажарнага таварыства

З пляцоўкі Вікіпедыя
Перайсці да: рух, знайсці
пажарнае дэпо
Дэпо Мінскага добраахвотнага пажарнага таварыства
2007 г.
2007 г.
53°54′03″ пн. ш. 27°33′01″ у. д.HGЯO
Краіна Беларусь
Горад Мінск
Дата пабудовы 1885 год
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 711Е000001шыфр 711Е000001

Дэпо Мінскага добраахвотнага пажарнага таварыства (Мінск Цэнтр)
Дэпо Мінскага добраахвотнага пажарнага таварыства
Дэпо Мінскага добраахвотнага пажарнага таварыства

Дэпо́ Мі́нскага добраахво́тнага пажа́рнага тавары́ства — помнік грамадзянскай архітэктуры ў Мінску. Месціцца па адрасе вуліца Гарадскі Вал, 12. Уваходзіць у склад гісторыка-культурнай каштоўнасці «Гістарычны цэнтр г. Мінска» міжнароднага значэння.

Гісторыя[правіць | правіць зыходнік]

Miensk, Haradzki Vał. Менск, Гарадзкі Вал (1885) (2).jpg

Будынак з цэглы пабудаваны ў 1885 годзе на рагу вуліц Праабражэнскай (цяпер Інтэрнацыянальная) і Нова-Раманаўскай (цяпер Гарадскі Вал). Дэпо было цесным і нязручным. У прыватнасці, не хапала асобных памяшканняў, таму коней даводзілася трымаць разам з пажарным рыштункам[1]. У 19201930-х гг. да будынка пажарнага дэпо быў прыбудаваны трохпавярховы жылы дом. Добраахвотнае пажарнае таварыства месцілася ў будынку да 1937 г., а пасля будынак перададзены прафесійным пажарным[2].

У 19941998 гг. будынак рэканструяваны, у выніку чаго з'явілася мансарда з дэкаратыўнымі элементамі, якая адпавядае стылістыцы будынка. На фасадзе былі адноўленыя вароты[2].

У будынку месціцца Музей пажарнай і аварыйна-ратавальнай справы, а таксама пажарная частка. У 2005 г. пажарнае дэпо стала № 1 у Мінску[2].

Архітэктура[правіць | правіць зыходнік]

Трохпавярховы прамавугольны ў плане будынак накрыты чатырохсхільным вальмавым дахам. Фасады расчлянёныя па гарызанталі карнізнымі паясамі, па вертыкалі — лапаткамі (на 1-м паверсе руставанымі). Па перыметры сцены завершаныя развітым шматслойным карнізам. Аконныя праёмы на 1-м паверсе шырокія прамавугольныя, на 2-м — лучковыя з абрамленнем, на 3-м — вузкія прамавугольныя.

Зноскі

  1. Шыбека, 2007, с. 96
  2. 2,0 2,1 2,2 Здание пожарного дэпо в Минске (руск.) . holiday.by. Архівавана з першакрыніцы 11 красавіка 2017. Праверана 11 красавіка 2017.

Літаратура[правіць | правіць зыходнік]