Мінскі паштамт
| Будынак | |
| Мінскі паштамт | |
| |
| 53°53′47″ пн. ш. 27°33′05,60″ у. д.HGЯO | |
| Краіна | Беларусь |
|---|---|
| Горад | Мінск |
| Архітэктурны стыль | савецкі манументальны класіцызм |
| Аўтар праекта | Уладзімір Кароль |
| Архітэктар | Уладзімір Адамавіч Кароль і Абрам Рыгоравіч Духан |
| Будаўніцтва | 1949—1953 гады |
| Статус |  Гісторыка-культурная каштоўнасць Беларусі, шыфр 713Г000159
|
 Мінскі паштамт на Вікісховішчы
| |
Мінскі паштамт — будынак у Мінску, размешчаны па адрасе пр-т. Незалежнасці, 10. Помнік архітэктуры, пабудаваны ў 1949—1953 гадах (архітэктары Уладзімір Кароль і Абрам Духан).
Архітэктура[правіць | правіць зыходнік]
Складаецца з двух злучаных паміж сабой аб’ёмаў — асноўнага чатырохпавярховага П-падобнага ў плане, пастаўленага ўздоўж чырвонай лініі праспекта Незалежнасці, і прыбудаванага да яго тыльнага фасада (круглы ў плане, у выглядзе ратонды з купалам; дыяметр 30 м), дзе размешчана вялікая аперацыйная зала. Галоўны фасад будынка, арыентаваны на праспект Незалежнасці, мае сіметрычную кампазіцыю. Размешчаныя па ўсім фасадзе трохчвертныя калоны вялікага карынфскага ордара, масіўныя формы цэнтральнай аркі ўваходу з апорамі, якія значна выступаюць за межы плану, высокі раскрапаваны атык надаюць будынку манументальны характар. У аздабленні фасадаў і інтэр’ераў выкарыстаныя прыродны камень, высакаякасная тынкоўка, ляпныя дэталі, вітражы з выявамі помнікаў дойлідства Беларусі (1980 г., В. Позняк).
Будынак — характэрны прыклад выкарыстання элементаў класічнай спадчыны ў архітэктуры Беларусі 1940—1950-х гадоў.
Літаратура[правіць | правіць зыходнік]
- Архітэктура Беларусі: Энцыклапедычны даведнік. — Мн.: БелЭн, 1993. — 620 с.: іл. — ISBN 5-85700-078-5.
Спасылкі[правіць | правіць зыходнік]
На Вікісховішчы ёсць медыяфайлы па тэме Мінскі паштамт
| |||||||||||||||||||||
