Дом Броня (Інтэрнацыянальная вуліца, 4)
Славутасць | |
Дом Броня | |
---|---|
![]() Дамы №№ 6 і 4 | |
53°54′02″ пн. ш. 27°33′07″ у. д.HGЯO | |
Краіна |
![]() |
Горад | Мінск |
Архітэктурны стыль | эклектыка |
Дата пабудовы | 1881 год |
Статус |
![]() |
![]() |
Дом Броня — будынак у Мінску, размешчаны ў квартале, які прымыкае да Верхняга Горада, па адрасе Інтэрнацыянальная вуліца, 4. Пабудаваны ў 1881 годзе з цэглы.
Гісторыя
[правіць | правіць зыходнік]У XIX стагоддзі на гэтым зямельным пляцы вуліцы Праабражэнскай існавала драўляная забудова, якая была знішчана падчас вялікага пажару 1881 года[1].
![](http://upload.wikimedia.org/wikipedia/commons/thumb/d/dd/Miensk%2C_Zboravaja%2C_Bro%C5%84._%D0%9C%D0%B5%D0%BD%D1%81%D0%BA%2C_%D0%97%D0%B1%D0%BE%D1%80%D0%B0%D0%B2%D0%B0%D1%8F%2C_%D0%91%D1%80%D0%BE%D0%BD%D1%8C_%281891%29.jpg/220px-Miensk%2C_Zboravaja%2C_Bro%C5%84._%D0%9C%D0%B5%D0%BD%D1%81%D0%BA%2C_%D0%97%D0%B1%D0%BE%D1%80%D0%B0%D0%B2%D0%B0%D1%8F%2C_%D0%91%D1%80%D0%BE%D0%BD%D1%8C_%281891%29.jpg)
Адразу пасля пажару мінскі мешчанін Моўша Бронь звярнуўся ў Мінскую гарадскую ўправу з праектам на пабудову на месцы знішчаных драўляных будынкаў аднапавярховага мураванага жылога дома. У 1881 годзе яго будаўніцтва было скончана. Гэта быў аднапавярховы прамавугольны ў плане будынак з высокім цокальным паверхам, накрыты двухсхільным дахам, які галоўным фасадам выходзіў на Праабражэнскую вуліцу[1].
У 1891 годзе Моўша Бронь зноў звярнуўся ў гарадскую ўправу з праектам на будаўніцтва яшчэ аднаго, ужо двухпавярховага, дома побач з існуючым[1].
У пачатку XX стагоддзя да аднапавярховага дома быў надбудаваны другі паверх. Адначасова да паўночна-ўсходняга фасада прыбудавана вонкавая лесвіца, якая вяла на другі паверх[1].
Гэтыя два будынкі выкарыстоўваліся пад жылыя кватэры. Акрамя таго, на тэрыторыі пляца знаходзіліся мураваны флігель і гаспадарчыя пабудовы[1].
Пасля 1920 года былыя дамы Броня нацыяналізаваны і да 1941 года выкарыстоўваліся пад камунальныя кватэры[1].
![](http://upload.wikimedia.org/wikipedia/commons/thumb/9/9a/Bundesarchiv_Bild_131-087-80%2C_Wei%C3%9Frussland%2C_Minsk%2C_Stra%C3%9Fenzug.jpg/220px-Bundesarchiv_Bild_131-087-80%2C_Wei%C3%9Frussland%2C_Minsk%2C_Stra%C3%9Fenzug.jpg)
У гады Вялікай Айчыннай вайны будынкі не пацярпелі і ў асноўным захавалі архітэктурны выгляд пачатку XX стагоддзя[1].
Падчас рамонту дэкаратыўная каваная агароджа канца XIX стагоддзя была заменена на сучасную. Да канца XX стагоддзя абодва будынкі выкарыстоўваліся пад жылыя кватэры[1].
Архітэктура
[правіць | правіць зыходнік]![](http://upload.wikimedia.org/wikipedia/commons/thumb/4/46/%D0%9C%D1%96%D0%BD%D1%81%D0%BA._%D0%92%D1%83%D0%BB%D1%96%D1%86%D0%B0_%D0%86%D0%BD%D1%82%D1%8D%D1%80%D0%BD%D0%B0%D1%86%D1%8B%D1%8F%D0%BD%D0%B0%D0%BB%D1%8C%D0%BD%D0%B0%D1%8F._2012_%2824%29.jpg/220px-%D0%9C%D1%96%D0%BD%D1%81%D0%BA._%D0%92%D1%83%D0%BB%D1%96%D1%86%D0%B0_%D0%86%D0%BD%D1%82%D1%8D%D1%80%D0%BD%D0%B0%D1%86%D1%8B%D1%8F%D0%BD%D0%B0%D0%BB%D1%8C%D0%BD%D0%B0%D1%8F._2012_%2824%29.jpg)
![](http://upload.wikimedia.org/wikipedia/commons/thumb/1/19/%D0%9C%D1%96%D0%BD%D1%81%D0%BA._%D0%9F%D0%BB%D0%B0%D0%BD_%D0%B4%D0%BE%D0%BC%D0%B0_%D0%BF%D0%B0_%D0%B2%D1%83%D0%BB%D1%96%D1%86%D1%8B_%D0%86%D0%BD%D1%82%D1%8D%D1%80%D0%BD%D0%B0%D1%86%D1%8B%D1%8F%D0%BD%D0%B0%D0%BB%D1%8C%D0%BD%D0%B0%D0%B9%2C_4.jpg/220px-%D0%9C%D1%96%D0%BD%D1%81%D0%BA._%D0%9F%D0%BB%D0%B0%D0%BD_%D0%B4%D0%BE%D0%BC%D0%B0_%D0%BF%D0%B0_%D0%B2%D1%83%D0%BB%D1%96%D1%86%D1%8B_%D0%86%D0%BD%D1%82%D1%8D%D1%80%D0%BD%D0%B0%D1%86%D1%8B%D1%8F%D0%BD%D0%B0%D0%BB%D1%8C%D0%BD%D0%B0%D0%B9%2C_4.jpg)
Двухпавярховы, чатырохвугольны ў плане, накрыты двухсхільным дахам. Галоўны фасад мае строгае кампазіцыйнае і дэкаратыўнае вырашэнне. Паверхі падзелены карнізным поясам. Плоскасць сцяны рытмічна члянёна на 1-м паверсе прамавугольнымі аконнымі праёмамі, на 2-м — лучковымі з сандрыкамі. Выкарыстоўваецца як жылы.
Зноскі
Літаратура
[правіць | правіць зыходнік]- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
Спасылкі
[правіць | правіць зыходнік]На Вікісховішчы ёсць медыяфайлы па тэме Дом Броня (Інтэрнацыянальная вуліца, 4)
- ВУЛІЦА ІНТЭРНАЦЫЯНАЛЬНАЯ ДОМ 4-6 ДОМ МОЎШЫ БРОНІ