Горад Парыж
З пляцоўкі Вікіпедыя.
Парыж, значэнні »»Горад, сталіца Францыі
|
Парыж (фр.: Paris) — сталіца Францыі, найважны эканамічны і культурны цэнтр краіны, размешчаны ў паўночнай частцы цэнтральнай Францыі, у рэгіёне Іль-дэ-Франс на берагах ракі Сены.
[правіць] Геаграфія
Горад размешчаны ў цэнтры Парыжскага басейна, прыкладна 65 м над узроўнем мора. Межы Парыжу акрэсленыя бульварам Перыферык — кольцавай аўтастрадай. Часам да тэрыторыі Парыжу адносяць змешчаны на захадзе ад горада Булонскі лес і размешчаны на ўсходзе Венсенскі лес. Плошча горада складае 105 км², калі ўключаць плошчу гэтых паркаў, і каля 87 км² без іх. Сена цячэ праз горад з усходу на захад, на правым паўночным беразе дамінуе груд Монмартр. На левым беразе дамінуючай вертыкаллю з'яўляецца вежа Монпарнас. У цэнтры Парыжу рака распадаецца на рукавы, якія амываюць два вострава — Сіцэ і востраў Сен-Луі. Яшчэ адзін востраў, Лебядзіны, размешчаны ва ў заходняй частцы горада.
Парыжскі мерыдыян, які быў вызначаны ў 1718 годзе Жакам Касіні і больш сапраўды вымераны ў 1806 французскім фізікам Араго, з'яўляўся да 1884 г. нулявым мерыдыянам. Ён праходзіць праз Парыжскую абсерваторыю і пазначаны з дапамогай слупкоў па ўсім Парыжы, а таксама з дапамогай адмысловых адзнак (бронзавых Арага-медальёнаў у гонар знакамітага фізіка) на маставых, тратуарах і будынках, у тым ліку і на Луўры. Пасля публікацыі папулярнага рамана Дэна Браўна «Код да Вінчы» некаторыя з адзнак былі выкрадзеныя.
[правіць] Клімат
Парыж размяшчаецца ў зоне умеранага клімату. Сярэдняя гадавая тэмпература складае 10,9 °C, сярэдняя гадавая колькасць ападкаў — 585 мм. Мікраклімат Парыжу, абумоўлены цеснатой і забруджваннем, адрозніваецца тэмпературай паветра — на 2 градуса вышэй сярэдняй тэмпературы па рэгіёне Іль-дэ-Франс, — і паніжанай вільготнасцю, меншай светласцю ў дзённы час і больш светлымі начамі.
Самым цёплым месяцам з'яўляецца ліпень са сярэдняй тэмпературай 19,0 °C, самым халодным — студзень з тэмпературай у 3,1 °C. Найбольшая колькасць ападкаў выпадае ў жніўні, у сярэднім 62 мм; найменшае — у сакавіку, у сярэднім 32 мм.
Пачынальна з 1873 года вядуцца рэгулярныя метэаролагічныя вымярэнні для Парыжу. Самая нізкая зарэгістраваная тэмпература склала -23,9 °C (10 снежня 1879). Самая высокая зарэгістраваная тэмпература склала 40,4 °C 28 ліпеня 1947, вымераная ў парку Мансуры.
| Месяц | Сту | Лют | Сак | Кра | Май | Чэр | Ліп | Жні | Вер | Кас | Ліс | Сне | Год |
|---|---|---|---|---|---|---|---|---|---|---|---|---|---|
| Сярэдні максімум °C | 7 | 9 | 13 | 16 | 20 | 23 | 24 | 25 | 21 | 15 | 9 | 8 | 15 |
| Сярэдні мінімум °C | 4 | 4 | 6 | 9 | 12 | 15 | 16 | 16 | 12 | 8 | 4 | 4 | 7 |
| Крыніца: MSN Weather | |||||||||||||
[правіць] Гідраграфія
Сена злучае Парыж з унутранымі часткамі краіны (Бургундыя) і з Ла-Маншам. Рака апынулася найважным фактарам для стварэння і развіцця горада, пачатак якому паклалі шматлікія ў той час астравы на Сене. Сена разбівае Парыж на дзве няроўныя часткі — паўночную (rive droite, правы бераг), дзе адбываюцца ўсе фінансава-гандлёвыя справы, і паўднёвую (rive gauche, левы бераг), якая дзякуючы Лацінскаму кварталу лічыцца раёнам інтэлігенцыі.
