Будынак сярэдняй школы № 4

Будынак сярэдняй школы № 4
	Славутасць
Будынак сярэдняй школы № 4
	; 2019 г.
	53°54′01″ пн. ш. 27°34′03″ у. д.HGЯO
Краіна	Беларусь;
Месцазнаходжанне	Мінск;
Архітэктурны стыль	постканструктывізм[d]
Архітэктар	Герасім Васілевіч Якушка
Дата заснавання	1936
Дата пабудовы	1936
	Медыяфайлы на Вікісховішчы

Дагледжаная версія гэтай старонкі, зацверджаная 14 студзеня 2020, была заснавана на гэтай версіі.

Буды́нак сярэ́дняй шко́лы імя́ С. М. Кі́рава — збудаванне ў Мінску, якое месціцца на вуліцы Чырвонаармейскай, 11. Пабудаваны ў 1936 годзе з цэглы (архітэктар Герасім Якушка).

Гісторыя

У сярэдзіне 1930-х гадоў ў БССР ажыццяўлялася паскоранае і пашыранае будаўніцтва, якое характарызавалася пошукам новых архітэктурны-планіровачных вырашэнняў. Будынак школы імя Кірава ёсць адным з прыкладаў такіх пошукаў.

У 1979 годзе крыло, што выходзіць на вуліцу Кірава, было падоўжанае. Да асноўнага прыбудаваны новы 6-павярховы корпус (архітэктары Віктар Карака і В. Шалкоўскі), дзе размясціліся фізкультурны і актавы залы, басейн.

Архітэктура

Чатырохпавярховы Г-падобны ў плане будынак. Вуглавая частка выступае паўкруглым эркерам з каланадай на ўзроўні 2-га і 3-га паверхаў і галоўным уваходам. Рэзкае паніжэнне рэльефу па вуліцы Кірава абумовіла патрэбнасць цокальнага паверха, дзе былі размешчаныя майстэрні, гаспадарчыя памяшканні. Планіроўка калідорная з аднабаковым размяшчэннем памяшканняў. Тры лесвічныя клеткі па тарцах і ў цэнтральнай частцы будынка даюць сувязь паміж паверхамі.

Галерэя

На старых здымках
1930-я гг.
1930-я гг.
1936 г.

Літаратура

Міцянін А. Будынак сярэдняй школы № 4 імя С. М. Кірава // Збор помнікаў гісторыі і культуры Беларусі. Мінск / АН БССР. Ін-т мастацтвазнаўства, этнаграфіі і фальклору; Рэдкал С. В. Марцэлеў (гал. рэд.). — Мінск, 1988. — С. 215. — 333 с. — ISBN 5-85700-006-8.