Адносіны Беларусі і Дэмакратычнай Рэспублікі Конга
Адносіны Беларусі і Дэмакратычнай Рэспублікі Конга — двухбаковыя дыпламатычныя адносіны паміж Рэспублікай Беларусь і Дэмакратычнай Рэспублікай Конга, устаноўленыя 16 лістапада 2010 года[1].
Асаблівасці
[правіць | правіць зыходнік]Дзве краіны ўсталявалі афіцыйныя дыпламатычныя кантакты адзін з адным адносна позна. Тым не менш, гэта не перашкаджала ім мець нязначныя сувязі ў ваеннай і гандлёвай сферах[2].
Эканамічныя сувязі
[правіць | правіць зыходнік]У 1998—2005 гадах аснову беларускага экспарту ў Дэмакратычную Рэспубліку Конга складалі калійныя ўгнаенні, гадзіннікі і бранзалеты, трубы, шлангі і рукавы з гумы, цэнтрыфугі, агрэгаты для фільтравання вадкасцяў або газаў. З ДРК імпартаваліся садавіна, расліны для дэкаратыўных мэтаў, моцныя спіртныя напоі, майкі, трыкатаж, насоўкі, сурвэткі[2].
Паводле звестак Нацыянальнага статыстычнага камітэта Беларусі, у 2019 годзе экспарт беларускіх тавараў у ДР Конга склаў менш за 400 тысяч долараў. Прыкладна на такім жа ўзроўні ён быў і па выніках студзеня—жніўня 2020 года. Найважнейшай экспартнай пазіцыяй Белрусіі сталі калійныя ўгнаенні (каля 340 тыс. долараў), на другім месцы па аб'ёмах продажаў прадукцыя Мінскага трактарнага завода (каля 40 тыс.долараў). У наступным годзе лідзіравалі калійныя ўгнаенні (каля 300 тыс. кангалезскімі пакупнікам таксама адпраўленыя аўтамабілі спецыяльнага прызначэння і пластмасавыя вырабы[3].
У кастрычніку 2020 года прайшла сустрэча паміж кіраўніком кампаніі Aftrade DMCC Аляксандрам Зінгманам і прэм’ер-міністра ДР Конга Сільвестра Ілунгі. Паводле слоў Зінгмана, беларускі бізнес мае цікавасць у сферы інвестыцый у сельскую гаспадарку, горназдабыўную прамысловасць, транспарт, збор адходаў і абарону. СМІ адзначылі, што на сустрэчы з беларускай дэлегацыяй прысутнічалі кіраўнікі адпаведных міністэрстваў кабінета Сільвестра Ілунгі, уключаючы міністра абароны. Прадстаўнікі Aftrade DMCC таксама прапанавалі забяспечыць мабілізацыю фінансавання магчымых праектаў за кошт рэсурсаў афрыканскага Trade & Development Bank (TDB) і беларускага Банка развіцця[3].
Інфармацыйна-камунікатыўныя тэхналогіі
[правіць | правіць зыходнік]З 17 па 19 снежня 2018 года з рабочым візітам у Мінску знаходзілася дэлегацыя экспертных дзелавых колаў Дэмакратычнай Рэспублікі Конга. У складзе дэлегацыі —кіраўнікі Міністэрства пошты і камунікацый ДРК, а таксама ІТУП «Афрыка Юніён Коммадытыз» - даччынага прадпрыемства паўднёваафрыканскай кампаніі Africa Union Holdings Pty Ltd. Мэтай візіту сталі варыянты рэалізацыі аўтаматызаваных рашэнняў у сферы кіравання асноўнымі працэсамі ў сферы ІКТ. У рамках гэтага дэлегаты з ДРК вывучылі вопыт беларускіх прадпрыемстваў у галіне пабудовы інфармацыйна-тэхналагічных інжынерных і камунікацыйных інфраструктур, а таксама распрацоўкі і ўкаранення аўтаматызаваных сістэм на агульнадзяржаўным узроўні. Кангалезскімі дэлегаты наведалі Нацыянальны цэнтр электронных паслуг. Калег зацікавіў вопыт працы цэнтра апрацоўкі дадзеных НЦЭП, а таксама рашэнні ў вобласці электроннага дакументазвароту, забеспячэння інфармацыйнай бяспекі, тэхналогіі электроннай лічбавай подпісы. У ходзе прэзентацыі дзейнасці НЦЭП быў выпрацаваны шэраг прапаноў па развіццю партнёрскіх узаемаадносін. НЦЭУ гатовы прадаставіць увесь спектр паслуг у галіне развіцця трансгранічнага электроннага ўзаемадзеяння: ад кансалтынгу да пастаўкі і суправаджэння гатовых праграмных рашэнняў[4].
Ваеннае сфера
[правіць | правіць зыходнік]У 1998 годзе Беларусь прадала УС ДРК дзве РСЗА БМ-21[5]. У 2015—2019 гадах паведамлялася[6], што беларускія вайсковыя інструктары знаходзяцца ў зоне ваенных дзеянняў у Ківу, займаючыся падрыхтоўкай кангалезскіх вайскоўцаў[7][8], а прадпрыемствы ВПК Беларусі — рамонтам авіятэхнікі ВПС ДРК[9].
Гл. таксама
[правіць | правіць зыходнік]Зноскі
- ↑ Республика Конго установят дипломатические отношения // БелТА, 16 ноября 2010
- ↑ а б Конго заинтересована в поставках белорусской сельхозтехники Архівавана 28 кастрычніка 2010. // TUT.BY, 24 сентября 2010
- ↑ а б Какие интересы у белорусского бизнеса в Конго? Архівавана 24 лістапада 2020. // Express.by, 21 октября 2020
- ↑ Беларусь и Конго: решения для трансграничного электронного взаимодействия Архівавана 15 верасня 2020. // НЦЭУ, 19 декабря 2018
- ↑ Завоюет ли Беларусь позиции на глобальных рынках оружия? — maxpark (10 сентября 2011)
- ↑ Белорусское военное присутствие в Африке Архівавана 27 ліпеня 2022.
- ↑ На борту Ми-24, разбившегося в Конго, были трое белорусов, Белновости (1 февраля 2017)
- ↑ Беларусь поставляет в Конго военную технику - СМИ, Politring (13 мая 2018)
- ↑ Ремонт и модернизация штурмовиков Су-25 ДРК в Барановичах