Дом Біргера
Славутасць | |
Дом Біргера | |
---|---|
![]() Дом № 10 у забудове вуліцы | |
53°54′03″ пн. ш. 27°33′09″ у. д.HGЯO | |
Краіна |
![]() |
Горад | Мінск |
Архітэктурны стыль | эклектыка |
Дата пабудовы | 1890-я |
Статус |
![]() |
![]() |
Дом Біргера — будынак у Мінску, размешчаны ў квартале, які прымыкае да Верхняга Горада, па адрасе вуліца Інтэрнацыянальная, 10 (гістарычная Праабражэнская). Пабудаваны сярэдзіне ў XIX ст. з цэглы.
Гісторыя[правіць | правіць зыходнік]
У XIX стагоддзі на гэтым зямельным пляцы існавала драўляная забудова, якая была знішчана падчас вялікага пажару 1881 года[1].
![](http://upload.wikimedia.org/wikipedia/commons/thumb/8/80/Miensk%2C_Zboravaja%2C_Maskalik._%D0%9C%D0%B5%D0%BD%D1%81%D0%BA%2C_%D0%97%D0%B1%D0%BE%D1%80%D0%B0%D0%B2%D0%B0%D1%8F%2C_%D0%9C%D0%B0%D1%81%D0%BA%D0%B0%D0%BB%D1%96%D0%BA_%281882-99%29.jpg/220px-Miensk%2C_Zboravaja%2C_Maskalik._%D0%9C%D0%B5%D0%BD%D1%81%D0%BA%2C_%D0%97%D0%B1%D0%BE%D1%80%D0%B0%D0%B2%D0%B0%D1%8F%2C_%D0%9C%D0%B0%D1%81%D0%BA%D0%B0%D0%BB%D1%96%D0%BA_%281882-99%29.jpg)
У канцы XIX стагоддзя (каля 1895 года) мінскі купец Лейба Біргер пабудаваў тут мураваны двухпавярховы жылы дом. Будынак быў накрыты двухсхільным дахам. З боку вуліцы Праабражэнскай быў створаны праезд ва ўнутраны двор, перакрыты скляпеннямі. Сіметрычны па кампазіцыі галоўны фасад быў вырашаны стрымана і аформлены лапаткамі з простым дэкорам. Аконныя праёмы першага паверха прамавугольныя, а на другім — лучковыя без ліштваў. На першым і другім паверхах будынка знаходзіліся жылыя пакоі. Акрамя таго, у двары размяшчаўся двухпавярховы мураваны флігель і іншыя гаспадарчыя пабудовы[1].
У 1909 годзе ўсе будынкі і збудаванні набыў мінскі мешчанін Моўша Гальдштэйн. Паводле інвентарызацыі 1910 года ў галоўным жылым доме было тры кватэры, у адной з іх пражывала сям’я гаспадара[1].
Пасля 1920 года будынак быў нацыяналізаваны і выкарыстоўваўся пад камунальныя кватэры[1].
![](http://upload.wikimedia.org/wikipedia/commons/thumb/d/db/%D0%94%D0%BE%D0%BC_%D0%92%D1%83%D0%BB%D1%8C%D1%84%D0%B0_%D0%9C%D0%B0%D0%B7%D0%BE_%D1%9E_%D1%87%D0%B0%D1%81_%D0%B2%D0%B0%D0%B9%D0%BD%D1%8B.jpg/220px-%D0%94%D0%BE%D0%BC_%D0%92%D1%83%D0%BB%D1%8C%D1%84%D0%B0_%D0%9C%D0%B0%D0%B7%D0%BE_%D1%9E_%D1%87%D0%B0%D1%81_%D0%B2%D0%B0%D0%B9%D0%BD%D1%8B.jpg)
У гады Вялікай Айчыннай вайны былы дом Біргера не пацярпеў і цалкам захаваў архітэктурнае рашэнне канца XIX — пачатку XX стагоддзяў[1].
Архітэктура[правіць | правіць зыходнік]
![](http://upload.wikimedia.org/wikipedia/commons/thumb/f/fa/%D0%9C%D1%96%D0%BD%D1%81%D0%BA._%D0%92%D1%83%D0%BB%D1%96%D1%86%D0%B0_%D0%86%D0%BD%D1%82%D1%8D%D1%80%D0%BD%D0%B0%D1%86%D1%8B%D1%8F%D0%BD%D0%B0%D0%BB%D1%8C%D0%BD%D0%B0%D1%8F._2012_%2822%29.jpg/220px-%D0%9C%D1%96%D0%BD%D1%81%D0%BA._%D0%92%D1%83%D0%BB%D1%96%D1%86%D0%B0_%D0%86%D0%BD%D1%82%D1%8D%D1%80%D0%BD%D0%B0%D1%86%D1%8B%D1%8F%D0%BD%D0%B0%D0%BB%D1%8C%D0%BD%D0%B0%D1%8F._2012_%2822%29.jpg)
Двухпавярховы прамавугольны ў плане будынак, накрыты двухсхільным дахам. Аконныя праёмы па 1-м паверсе прамавугольныя, на 2-м — лучковыя. Плоскасць галоўнага фасада расчлянёна лапаткамі. У вуглавой частцы — арачны праезд. Выкарыстоўваецца як жылы.
Зноскі
Літаратура[правіць | правіць зыходнік]
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
Спасылкі[правіць | правіць зыходнік]
На Вікісховішчы ёсць медыяфайлы па тэме Дом Біргера
- ІНТЭРНАЦЫЯНАЛЬНАЯ БУДЫНАК № 10 ДОМ МАСКАЛІКА