Зімовыя Алімпійскія гульні 2010

З пляцоўкі Вікіпедыя.
Перайсці да: рух, знайсці
XXI зімовыя Алімпійскія гульні
Эмблема зімовых Алімпійскіх гульняў 2010
Горад-арганізатар Ванкувер, Брытанская Калумбія, Канада
Краіны-ўдзельніцы 82
Колькасць атлетаў 2574
Разыграцца медаляў 86 камплектаў у 7 відах спорту
Цырымонія адкрыцця 12 лютага
Адкрываў Генерал-губернатар Мікаэль Жан
Цырымонія зачынення 28 лютага
Алімпійскі агонь Уэйн Гретцкі, Нэнсі Грын, Катрыёна Лемэй-Доан, Стыў Нэш, Рык Хансен
Алімпійская клятва Хэйлі Вікенхайзер (хакей з шайбай)
Стадыён Бі-Сі Плэйс

Зімовыя Алімпійскія гульні 2010, афіцыйна вядомыя як Гульні XXI Алімпіяды (англ.: 2010 Winter Olympics) — міжнароднае спартыўнае мерапрыемства, якое адбылося ў канадскім горадзе Ванкуверы 12 лютага – 28 лютага 2010.

Змест

Выбар горада[правіць]

Алімпійская асацыяцыя Канады выбрала Ванкувер як прадстаўніка сваёй краіны, аддаўшы яму перавагу перад Калгары, які збіраўся прымаць гульні ў другі раз і Квебекам. 2 ліпеня 2003 на 115 сесіі Міжнароднага алімпійскага камітэта Ванкувер быў прызначаны месцам правядзення гульняў XXI Алімпіяды (ён абышоў паўднёвакарэйскі Пхёнчхан і аўстрыйскі Зальцбург). Дагэтуль Ванкувер двойчы спрабаваў стаць месцам правядзення Зімовых Алімпійскіх гульняў — у 1976 (прайшлі ў Інсбруку) і 1980 (перамог Лэйк-Плэсід).

Сімвалы[правіць]

На эмблеме адлюстравана статуя-інукшук па імені Іланаак, што ў перакладзе з мовы інуктытут азначае «сябар». Выява была ўзятая са статуі, якая стаіць на беразе Англійскага заліва ў Ванкуверы. Зялёны, сіні і блакітны колеры абазначаюць лес, горы і акіян, чырвоны — канадскі нацыянальны колер кляновага ліста, жоўты — колер узыходзячага сонца.

Талісманамі гульняў сталі тры выдуманыя істоты: марскі мядзведзь (напалову касатка, напалову белы барыбал), бігфут і т.зв. Сумі — «дух жывёл», у якім аб'яднаны прадстаўнікі фауны канадскага ціхаакіянскага ўзбярэжжа.

Дывізамі гульняў аб'яўлены радкі з гімна Канады: «З палаючымі сэрцамі» (англ.: With glowing hearts) і «Самых бліскучых подзвігаў» (фр.: Des plus brillants exploits).

Алімпійскія аб'екты[правіць]

Большасць аб'ектаў знаходзіцца ў гарадской рысе Ванкувера: галоўная арэна гульняў Бі-Сі-Плэйс, Алімпійская вёска, Канада Хакей Плэйс, Пасіфік Калізеум, Алімпійскі цэнтр Ванкувера і Зімовы спартыўны цэнтр. У прыгарадах Ванкувера размяшчаюцца яшчэ два аб'екты: Алімпійскі авал Рычманда (Рычманд) і Сайпрыс Маунтэйн (Вест-Ванкувер).

Ва Уістлеры (126 км ад Ванкувера) пабудаваны Алімпійская і Паралімпійская вёска Уістлера, шматфункцыянальны Алімпійскі парк Уістлера, Уістлер Хілкрэст і Санкавы цэнтр Уістлера.

Краіны-ўдзельніцы[правіць]

82 нацыянальныя алімпійскія камітэты накіравалі каманды на Зімовыя Алімпійскія гульні 2010.

2010 Winter Olympics Participants.svg


Спіc краін-дзельніц, у дужках колькасць спартсменаў

Дэбютавалі на зімовых гульнях Кайманавы астравы, Калумбія, Гана, Пакістан, Перу, Сербія, Чарнагорыя. Марока, Мексіка і Ямайка вярнуліся пасля няўдзелу ў турынскай алімпіядзе. Тонга і Люксембург па розных прычынах не здолелі прыняць удзел. Не прымалі ўдзел у Гульнях у Ванкуверы наступныя краіны, што ўдзельнічалі ў Алімпійскіх гульнях у Турыне: Венесуэла, Віргінскія астравы, Кенія, Коста-Рыка, Люксембург, Мадагаскар, Тайланд.

Беларусь накіравала на Алімпіяду-2010 101 чалавека, у тым ліку 50 спартсменаў, якія прынялі ўдзел у 6 відах спорту: 23 чалавекі — хакей, 12 — біятлон, 6 — фрыстайл, 6 — лыжныя гонкі, 2 — горныя лыжы, 1 — канькабежны спорт. Капітан зборнай — Дзмітрый Дашчынскі (фрыстайл), кіраўнік дэлегацыі — намеснік Міністра спорту і турызму Рэспублікі Беларусь Дзмітрый Шычко, сцяганосец — Алег Антоненка (хакей).

Цырымонія адкрыцця[правіць]

Vancouver 2010 Opening Ceremony Caldron.jpg

Упершыню цырымонія адкрыцця Алімпійскіх гульняў прайшла на крытым стадыёне. Мерапрыемства адбылося на 60-тысячнай арэне «Бі-Сі Плэйс» («Пляцоўка Брытанскай Калумбіі») у Ванкуверы.

Пасля выканання ўрачыстай мелодыі «Полымя на вяршыні» да гледачоў выйшлі прадстаўнікі кіраўніцтва Канады, МАК і індзейскіх плямён, на тэрыторыі якіх былі пабудаваныя алімпійскія аб'екты.

Невялікая культурная праграма скончылася выкананнем канадскага гімна, адбыўся парад нацыянальных каманд.

Затым удзельнікаў і гледачоў Алімпіяды прывіталі песняй Нэлі Фуртада і Браян Адамс.

Афіцыйна аб пачатку Гульняў абвясціла генерал-губернатар Канады Мішэль Жан.

Алімпійскі факел запалілі пяцёра легендарных канадскіх спартсменаў — Уэйн Грэтскі (хакей), Нэнсі Грын (горныя лыжы), Катрыёна Лемай-Доан (канькабежны спорт), Стыў Нэш (баскетбол), а таксама паралімпіец Рык Хансен.

Спаборніцтвы[правіць]

У праграму гульняў уключаны спаборніцтвы па сямі відах спорту, падзеленыя на 15 дысцыплін. Будзе разыграна 86 камплектаў узнагарод.

Медальны залік[правіць]

Асноўны артыкул: Медальны залік на зімовых Алімпійскіх гульнях 2010
Месца Краіна Gold medal icon.svg Silver medal icon.svg Bronze medal icon.svg
1 Сцяг Канады Канада 14 7 5
2 Сцяг Германіі Германія 10 13 7
3 Сцяг ЗША ЗША 9 15 13
4 Сцяг Нарвегіі Нарвегія 9 8 6
5 Сцяг Рэспублікі Карэя Рэспубліка Карэя 6 6 2
6 Сцяг Швейцарыі Швейцарыя 6 0 3
7-8 Сцяг Кітая Кітай 5 2 4
7-8 Сцяг Швецыі Швецыя 5 2 4
9 Сцяг Аўстрыі Аўстрыя 4 6 6
10 Сцяг Нідэрландаў Нідэрланды 4 1 3
11 Сцяг Расіі Расія 3 5 7
12 Сцяг Францыі Францыя 2 3 6
13 Сцяг Аўстраліі Аўстралія 2 1 0
14 Сцяг Чэхіі Чэхія 2 0 4
15 Сцяг Польшчы Польшча 1 3 2
16 Сцяг Італіі Італія 1 1 3
17-18 Сцяг Беларусі Беларусь 1 1 1
17-18 Сцяг Славакіі Славакія 1 1 1
19 Сцяг Вялікабрытаніі Вялікабрытанія 1 0 0
20 Сцяг Японіі Японія 0 3 2
21-22 Сцяг Славеніі Славенія 0 2 1
21-22 Сцяг Харватыі Харватыя 0 2 1
23 Сцяг Латвіі Латвія 0 2 0
24 Сцяг Фінляндыі Фінляндыя 0 1 4
25-26 Сцяг Казахстана Казахстан 0 1 0
25-26 Сцяг Эстоніі Эстонія 0 1 0

Беларусь на Зімовых Алімпійскіх гульнях 2010[правіць]

Беларуская зборная на цырымоніі адкрыцця Гульняў ХХІ Алімпіяды
Медаль Імя Від спорту Дысцыпліна
Gold medal icon.svg Аляксей Грышын фрыстайл акрабатыка
Silver medal icon.svg Сяргей Новікаў біятлон індывідуальная гонка
Bronze medal icon.svg Дар'я Домрачава біятлон індывідуальная гонка

Здарэнні[правіць]

Гібель Надара Кумарыташвілі[правіць]

12 лютага 2010 падчас трэніровачных заездаў на алімпійскай трасе ва Уістлеры ў выніку траўм, атрыманых у сур'ёзнай аварыі загінуў грузінскі саначнік Надар Кумарыташвілі.[26] Спартсмен не справіўся з кіраваннем пры ўваходзе ў апошні паварот на хуткасці 144 км/г. яго санкі перавярнуліся і саначнік з усёй моцы ўдарыўся аб металічны абмежавальнік. Грузінская дэлегацыя разглядала пытанне аб няўдзеле ў Алімпіядзе з прычыны трагедыі, але пасля прыняла рашэнне застацца на Гульнях, а грузінская каманда апранула на цырымонію адкрыцця чорныя стужкі.[27]

За два дні да трагедыі падчас трэніровачнага заезду на той жа трасе, якая лічыцца адной з самых хуткасных і небяспечных у свеце, пацярпела аварыю румынская саначніца Віялета Страматурару, якая ад удару аб абмежавальнік страціла прытомнасць, але на шчасце пазбегла сур'ёзных траўм.

У Сеціве[правіць]

Афіцыйны сайт гульняў

Гл. таксама[правіць]

Зноскі

  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 1,21 Summary of Quota allocation (Alpine Skiing) (PDF). FIS-Ski – International Ski Federation (2010). Праверана 1 ліпеня 2010.
  2. ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 2,17 2,18 2,19 2,20 2,21 2,22 2,23 2,24 2,25 2,26 Vancouver Olympics – Athletes. Vancouver2010.com. Архівавана з першакрыніцы 25 снежня 2010. Праверана 12 студзеня 2011.
  3. ↑ 3,0 3,1 3,2 3,3 3,4 3,5 Kman, Randy. Alpine team takes fall at 2010 Games – Vancouver 2010 Olympics , thestar.com (June 10, 2009). Праверана 10 студзеня 2010.
  4. ↑ 4,0 4,1 4,2 4,3 4,4 Germany, Norway round out 2010 Olympic men's hockey. TSN (February 8, 2009). Архівавана з першакрыніцы 13 лютага 2009. Праверана 9 лютага 2009.
  5. ↑ Athletes : Vancouver 2010 Winter Olympics. Vancouver2010.com. Архівавана з першакрыніцы 9 сакавіка 2010. Праверана 7 лютага 2010.
  6. ↑ 6,0 6,1 6,2 6,3 6,4 6,5 ISU Figure skating qualification system. Праверана 25 студзеня 2011. [недаступная спасылка]
  7. ↑ 7,0 7,1 7,2 7,3 7,4 7,5 2009 Figure Skating World Championship results. Архівавана з першакрыніцы 1 студзеня 2011. Праверана 25 студзеня 2011.
  8. ↑ Saiba os brasileiros que podem ir a Vancouver. Праверана 25 студзеня 2011.
  9. ↑ Bulgaria received one more quota for the games. Топспорт. Праверана 13 лютага 2010.
  10. ↑ Travers is snow joke. Праверана 5 лістапада 2009.
  11. ↑ Olympic Qualification. World Curling Federation. Архівавана з першакрыніцы 23 лютага 2009. Праверана 9 лютага 2009.
  12. ↑ Suomen Olympiajoukkueeseen Vancouver 2010 -talvikisoihin on valittu 94 urheilijaa – kahdella miesalppihiihtäjällä vielä mahdollisuus lunastaa paikka joukkueessa – Suomen Olympiakomitea. Noc.fi. Архівавана з першакрыніцы 12 лютага 2010. Праверана 7 лютага 2010.
  13. ↑ 108 Français à Vancouver – JO 2010 – L'EQUIPE.FR. Vancouver2010.lequipe.fr. Архівавана з першакрыніцы 5 лютага 2010. Праверана 7 лютага 2010.
  14. ↑ Ghana's 'Snow Leopard' qualifies to ski in 2010 Winter Olympics , CBC News (March 12, 2009). Праверана 25 студзеня 2011.
  15. ↑ Short Track Speed Skating entry list (November 24, 2009). Праверана 26 лістапада 2009.
  16. ↑ Tashi and Jamyang qualify for 2010 Olympic Winter Games (March 18, 2009). Праверана 18 сакавіка 2009.
  17. ↑ 17,0 17,1 Lambiel crushes competition at Nebelhorn. Праверана 26 верасня 2009.
  18. ↑ North Korea – CTV Olympics. Ctvolympics.ca (January 22, 2010). Архівавана з першакрыніцы 30 студзеня 2010. Праверана 7 лютага 2010.
  19. ↑ Sports | Mongolia Web News. Mongolia-web.com. Архівавана з першакрыніцы 5 студзеня 2010. Праверана 10 студзеня 2010.
  20. ↑ Genomineerden. Nocnsf.nl. Архівавана з першакрыніцы 13 студзеня 2010. Праверана 10 студзеня 2010.
  21. ↑ Anders Rekdal tatt ut til OL i Vancouver på overtid (Norwegian). Olympiatoppen (January 29, 2010). Архівавана з першакрыніцы 5 сакавіка 2010. Праверана 8 лютага 2010.
  22. ↑ Wystartujemy w Vancouver (Polish) (March 19, 2009). Архівавана з першакрыніцы 2 красавіка 2009. Праверана 19 сакавіка 2009.
  23. ↑ 23,0 23,1 Athletes : Vancouver 2010 Winter Olympics. Vancouver2010.com. Архівавана з першакрыніцы 9 сакавіка 2010. Праверана 7 лютага 2010.
  24. ↑ OS-truppen komplett(erad) – Olympic Team complete(d). SOC (December 1, 2010). Праверана 1 снежня 2010.
  25. ↑ Vancouver 2010 Olympic Winter Games Qualifications | News | USA Luge. Luge.teamusa.org. Архівавана з першакрыніцы 3 лютага 2010. Праверана 7 лютага 2010.
  26. ↑ Грузінскі алімпіец-саначнік загінуў на трэніроўцы ў Канадзе (руск.) 
  27. ↑ У Ванкуверы адкрыліся ХХI зімовыя Алімпійскія гульні (руск.) 
 г·п 
Алімпійскія гульні
Віды спорту · Медальны залік · НАКі ·Медалісты · Знакі
Летнія Афіны 1896 · Парыж 1900 · Сент-Луіс 1904 · Лондан 1908 · Стакгольм 1912 · Антверпен 1920 · Парыж 1924 · Амстэрдам 1928 · Лос-Анджэлес 1932 · Берлін 1936 · Лондан 1948 · Хельсінкі 1952 · Мельбурн 1956 · Рым 1960 · Токіа 1964 · Мехіка 1968 · Мюнхен 1972 · Манрэаль 1976 · Масква 1980 · Лос-Анджэлес 1984 · Сеул 1988 · Барселона 1992 · Атланта 1996 · Сідней 2000 · Афіны 2004 · Пекін 2008 · Лондан 2012 · Рыа-Дэ-Жанэйра 2016 · 2020 · 2024 · 2028
Зімовыя Шамані 1924 · Санкт-Морыц 1928 · Лэйк-Плэсід 1932 · Гарміш-Партэнкірхен 1936 · Санкт-Морыц 1948 · Осла 1952 · Картына-д'Ампеца 1956 · Скво-Вэлі 1960 · Інсбрук 1964 · Грэнобль 1968 · Сапара 1972 · Інсбрук 1976 · Лэйк-Плэсід 1980 · Сараева 1984 · Калгары 1988 · Альбервіль 1992 · Лілехамер 1994 · Нагана 1998 · Солт-Лэйк-Сіці 2002 · Турын 2006 · Ванкувер 2010 · Сочы 2014 · Пхёнчхан 2018 · 2022
Юнацкія Алімпійскія гульні
Летнія Сінгапур 2010 · Нанкін 2014 · 2018
Зімовыя Інсбрук 2012 · 2016
Адмененыя¹ і непрызнаныя² гульні
Адмененыя Берлін 1916 · Сапара 1940 · Токіа 1940 · Картына-д'Ампеца 1944 · Лондан 1944
Непрызнаныя Афіны 1906

¹ Летнія Алімпійскія гульні 1916 былі адмененыя з-за Першай сусветнай вайны, а летнія і зімовыя Алімпійскія гульні 1940 і 1944 — з-за Другой сусветнай.
² Неафіцыйныя гульні, якія не прызнаюцца Міжнародным Алімпійскім камітэтам (МАК).

Узята з "http://be.wikipedia.org/w/index.php?title=Зімовыя_Алімпійскія_гульні_2010&oldid=1526646"