Фёдар Міхайлавіч Святоша
| Фёдар Міхайлавіч Святоша | |
|---|---|
| Нараджэнне | не пазней за 1470 |
| Смерць | не раней за 1524 |
| Жонка | Ганна з Булгарынаў[d] |
| Дзейнасць | дзяржаўны служачы |
Фёдар Міхайлавіч Святоша (да 1470[1] — пасля 1524) — пісар гаспадарскі (да 1507—1516[2]), дваранін гаспадарскі (зг. 1524[2]).
Сын Міхаіла Васілевіча Івашкавіча, які не пазней за 1460 год[1] выехаў з Вялікага Княства Маскоўскага[3], служыў камусьці са слуцка-капыльскіх князёў і атрымаў за службу маёнтак Кісялевічы паблізу Слуцка, на думку Фёдара Чарняўскага, ад князя Міхаіла Алелькавіча[1]. Узяў шлюб з Ганнай з Булгарынаў, наваградскіх зямян, сужэнцы мелі сыноў Фёдара, Івана і дачку Настассю[1] (пам. пасля 1556[4]), пазней у шлюбе з Васілём Пятровічам Гурыным (пам. да 1530)[5]. Таксама ў Міхаіла Івашкавіча быў сын Андрэй Святоша[4].
Упершыню Фёдар Святоша як пісар згаданы 21 красавіка 1507 года[1], апошні раз тытулуецца пісарам 13 сакавіка 1516 года[2]. На думку Фёдара Чарняўскага, Фёдар Святоша можа быць тоесны таксама пісару Фёдару Івашкавічу, які ў даведніку цэнтральных ураднікаў ВКЛ пад рэдакцыяй Анджэя Рахубы пазначаны асобна пад № 912[1].
Крыніцы[правіць | правіць зыходнік]
- ↑ а б в г д е Чарняўскі 2023, с. 10.
- ↑ а б в Груша 2001.
- ↑ Чарняўскі 2023, с. 9.
- ↑ а б Чарняўскі 2023, с. 15.
- ↑ Чарняўскі 2023, с. 8.
Літаратура[правіць | правіць зыходнік]
- Груша А. Службовы склад і структура канцылярыі Вялікага Княства Літоўскага 40-х гадоў XV - першай паловы XVI ст. // Metriciana : даследаванні і матэрыялы Метрыкі Вялікага Княства Літоўскага. / адказны рэдактар нумару: Алег Дзярновіч. — Мінск: Аддзел спецыяльных гістарычных навук ІГ НАНБ, 2001. — Т. 1. — С. 11-45.
- Чарняўскі Ф. Уступ да генеалогіі менскіх і наваградскіх Гурынаў (XV-пачатак XVII ст.) // Герольд Litherland. — 2023. — № 24.
