Крыштаф Міхал Сапега

Крыштаф Міхал Сапега
Крыштаф Міхал Сапега
Герб «Ліс»
Адукацыя:	Падуанскі ўніверсітэт Балонскі ўніверсітэт
Дзейнасць:	пісьменнік
Нараджэнне:	10 жніўня 1607(1607-08-10) Ружаны, Слонімскі павет, Новагародскае ваяводства, Вялікае Княства Літоўскае, Рэч Паспалітая
Смерць:	17 жніўня 1631(1631-08-17) (24 гады)
Род:	Сапегі
Бацька:	Леў Сапега
Маці:	Альжбета Сапега
Жонка:	няма
Дзеці:	няма

Крыштаф Міхал Сапега (10 жніўня 1607, Ружаны — 17 жніўня 1631) — вялікалітоўскі дзяржаўны і ваенны дзеяч. Падстолі (з 1630) і пісар вялікі літоўскі (з 1631).

Біяграфія

З чарэйска-ружанскай лініі магнацкага роду Сапегаў герба «Ліс», сын Льва, канцлера вялікага літоўскага, і Гальшкі з Радзівілаў. Меў братоў Яна Станіслава і Казіміра Льва.

Навучаўся ў Віленскай акадэміі, разам з братам Казімірам Львом працягваў адукацыю за мяжой у Мюнхене і Інгальштаце.

У 1624 захварэў на сухоты, што прымусіла братоў вярнуцца дадому. Па непрацяглым лячэнні выехаў на вучобу ў Лёвенскі ўніверсітэт, наведаў Брусель, Балонню (1628) і Падую (1629).

Абіраўся паслом на соймы 1629 і 1630. Атрымаў пасады падстолія і пісара вялікага літоўскага. Заўчасна памёр ад сухотаў.

Аўтар твору «Theses politicae ex Aristotelis libris de republica» (Лёвен, 1627).

Спасылкі

• Генеалогія магнацкіх радоў Рэчы Паспалітай