Крыштаф Завіша

Крыштаф Завіша
Лебедзь
лоўчы вялікі літоўскі 25 кастрычніка 1629 — 27 мая 1637
Папярэднік	Ян Караль Нарушэвіч[d]
Пераемнік	Караль Пётр Далмат-Ісайкоўскі
пісар вялікі літоўскі 27 мая 1637 — верасень 1649
Папярэднік	Казімір Леў Сапега
Пераемнік	Піліп Абуховіч
18-ы маршалак надворны літоўскі верасень 1649 — 1654
Папярэднік	Антоні Ян Тышкевіч
Пераемнік	Тэадор Аляксандр Ляцкі
маршалак вялікі літоўскі 1654 — лістапад 1669
Папярэднік	Аляксандр Людвік Радзівіл
Пераемнік	Аляксандр Гіларый Палубінскі
кашталян віленскі 1669 — 23 студзеня 1670
Папярэднік	Міхал Казімір Пац
Пераемнік	Мікалай Стэфан Пац
маршалак Трыбунала Вялікага Княства Літоўскага з 1639
Нараджэнне	1578
Смерць	23 студзеня 1670(1670-01-23)
Род	Завішы
Бацька	Андрэй Ян Завіша
Маці	Соф’я з Валовічаў[d]
Жонка	Кацярына з Тышкевічаў[d]
Дзеці	Андрэй Казімір Завіша, Ганна Канстанцыя з Завішаў[d] і Ян Юрый Завіша[d]
Грамадзянства	Рэч Паспалітая

Крыштаф Завіша (1578 — 23 студзеня 1670(1670-01-23)) — вялікалітоўскі дзяржаўны дзеяч. Вялікі лоўчы літоўскі (1629—1637), вялікі пісар літоўскі (1637—1649), надворны маршалак (1649—1654) і вялікі маршалак літоўскі (1654—1669). Кашталян віленскі (з 1669), староста менскі (1631—1645) і браслаўскі (1645).

Біяграфія

З роду Завішаў герба «Лебедзь», сын вялікага падскарбія літоўскага Андрэя Яна Завішы.

У 1606 годзе апублікаваў гераічную паэму «Караламахія», прысвечаную перамозе ў бітве пад Кірхольмам.

Удзельнік узяцця і абароны Смаленска ў 1609—1613 гадах падчас вайны 1609—1618 гадоў. У 1613 годзе пасол ад Быдгашчскай канфедэрацыі войска смаленскага да прускай рады і князя.

У 1639 годзе маршалак Трыбунала Вялікага Княства Літоўскага.

У 1655 годзе ўдзельнік Тышовецкай канфедэрацыі.

У 1659 і 1661 гадах дэпутат Трыбунала Вялікага Княства Літоўскага ад сенату.

Пасол на соймы Рэчы Паспалітай 1632 (ад Менскага павету), 1646, 1649—1650, 1650 гадоў, каранацыйныя соймы 1633, 1649 года, надзвычайныя соймы 1635, 1637, 1642 (маршалак сойма), 1647 гадоў.

Сям’я

Быў жанаты з Крысцінай, дачкой Андрэя Тышкевіча. Меў сыноў Андрэя Казіміра (перадаў яму Менскае староства) і Яна Юрыя (перадаў яму Браслаўскае староства), а таксама дачку Ганну Канстанцыю, жонку Фелікса Яна Паца.

Беларускія пераклады

• Хрыстафор Завіша Найяснейшаму каралевічу Уладзіславу…; Караламахія (урывак з паэмы): пераклад з лацінскай мовы, каментарыі Ж. В. Некрашэвіч-Кароткай. // Роднае слова : часопіс. — 2006. — № 8. — С. 18—20.
• Завіша Х. Караламахія / Пераклад з лацінскай мовы Жанны Некрашэвіч-Кароткай // «Наша Вера» № 2 (40), 2007.

Літаратура

• Насевіч В. Завішы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 639. — 688 с. — ISBN 985-11-0314-4 (т. 1), ISBN 985-11-0315-2.