Лагойскі раён: Розніца паміж версіямі
[дагледжаная версія] | [дагледжаная версія] |
др →Гісторыя: вікіфікацыя Тэг: рэдактар вікітэксту 2017 |
др →Геаграфія: Спасылка |
||
Радок 72: | Радок 72: | ||
Пад лясамі каля 50% тэрыторыі раёна, лясы ў асноўным [[Хваёвыя лясы|хваёвыя]]. |
Пад лясамі каля 50% тэрыторыі раёна, лясы ў асноўным [[Хваёвыя лясы|хваёвыя]]. |
||
У раёне размешчаныя 2 ландшафтныя заказнікі дзяржаўнага значэння: «[[Белая Русь (заказнік)|Белая Русь]]» (4460 га), «[[ |
У раёне размешчаныя 2 ландшафтныя заказнікі дзяржаўнага значэння: «[[Белая Русь (заказнік)|Белая Русь]]» (4460 га), «[[Купалаўскі (заказнік)|Купалаўскі]]» (2000 га). 3 помнікаў прыроды мясцовага значэння можна вылучыць: [[Лагойскі парк]] (помнік садова-паркавага мастацтва 1-й паловы [[19 стагоддзе|XIX ст.]]), [[Лагойская крыніца|Лагойскую крыніцу]], [[Паграбішчанскія крыніцы]], 4 заказнікі мясцовага значэння. |
||
== Насельніцтва == |
== Насельніцтва == |
Версія ад 00:46, 25 лютага 2020
Лагойскі раён | |||
---|---|---|---|
|
|||
Краіна | Беларусь | ||
Уваходзіць у | Мінская вобласць | ||
Адміністрацыйны цэнтр | Лагойск | ||
Дата ўтварэння | 17 ліпеня 1924 | ||
Кіраўнік | Аляксандр Георгіевіч Ласевіч[d] | ||
Афіцыйныя мовы |
Родная мова: беларуская 80,83 %, руская 17,0 % Размаўляюць дома: беларуская 55,48 %, руская 40,26 %[1] |
||
Насельніцтва (2009) |
35 957 чал.[1] (13-е месца) | ||
Шчыльнасць | 15,3 чал./км² (19-е месца) | ||
Нацыянальны склад |
беларусы — 92,79 %, рускія — 5,09 %, іншыя — 2,12 %[1] |
||
Плошча |
2 365,02[2] (5-е месца) |
||
Вышыня над узроўнем мора |
276 м[3] | ||
Часавы пояс | UTC+03:00 | ||
Тэлефонны код | 17 74 | ||
Паштовыя індэксы | 223 1xx | ||
Афіцыйны сайт | |||
Медыяфайлы на Вікісховішчы |
Лаго́йскі раё́н — раён у складзе Мінскай вобласці. Плошча раёна складае 2,4 тыс. км². Насельніцтва — 38,3 тыс. чалавек (2008). Адміністрацыйны цэнтр — горад Лагойск.
Гісторыя
Раён быў утвораны 17 ліпеня 1924 года ў складзе Менскай акругі (да 26 ліпеня 1930). 20 жніўня 1924 года быў падзелены на 10 сельсаветаў: Бясядскі, Гайненскі, Калачоўскі, Коранскі, Кузевіцкі, Лагойскі, Падонкаўскі, Слабадскі і Янушкавіцкі.
22 верасня 1927 года да раёна быў далучаны Швабскі сельсавет ліквідаванага Зембінскага раёна.
18 студзеня 1931 года да раёна былі далучаныя Астрошыцкi, Бяларуцкі і Прудзішчанскі сельсавет ліквідаванага Астрашыцка-Гарадоцкага раёна.
3 20 лютага 1938 года раён у Мінскай вобласці. На 1 студзеня 1941 года раён уключаў Лагойск і 13 сельсаветаў.
У Вялікую Айчынную вайну ў пачатку ліпеня 1941 быў акупіраваны нямецка-фашысцкімі захопнікамі, якія знішчылі тут каля 6 тысяч чалавек; разам з жыхарамі вёскі Асавіно, Баравыя, Гані, Дальва, Ідаліна, Мыльніца, Слабада, Трысцень, Тхарніца, Хатынь (не адрадзіліся). У раёне дзейнічалі партызанскія брыгады «Жалязняк», 1-я антыфашысцкая, «Дзядзькі Колі», Лагойская, «Бальшавік», «Народныя мсціўцы», імя Варанянскага, імя Фрунзе, «Смерць фашызму», «Штурмавая», асобны партызызанскі атрад «Мясцовыя»; Лагойскія падпольныя райкамы КП(б)Б і ЛКСМБ. Выдавалася падпольная газета «За Савецкую Беларусь». Вызвалены ў пачатку ліпеня 1944 года войскамі 3-га Беларускага фронту ў ходзе Мінскай аперацыі.
25 снежня 1962 года да раёна далучаны Акалоўскі, Акцябрскі, Задор’еўскі, Зарэцкі, Ізбішчанскі, Каменскі, Крайскі, Нястанавіцкі, Плешчаніцкі і Прусевіцкі сельсаветы ліквідаванага Плешчаніцкага раёна.
Геаграфія
Паўднёвая частка раёна размешчаная ў межах Лагойскага і Плешчаніцкага ўзвышшаў і мае буйнаўзгорысты градавы рэльеф. Абсалютныя вышыні вагаюцца ад 240 да 310 м, паўночна-заходняя частка — на Нарачанска-Вілейскай нізіне. Па тэрыторыі раёна працякае рака Чарніца.
Раён мае запасы торфу і пяскова-жвіровых сумесяў.
Клімат умерана кантынентальны. Сярэдняя тэмпература студзеня −7 °C, ліпеня +17,6 °C. Сярэднегадавая колькасць ападкаў — 630 мм. Працягласць вегетацыйнага перыяду складае 188 дзён.
Пад лясамі каля 50% тэрыторыі раёна, лясы ў асноўным хваёвыя.
У раёне размешчаныя 2 ландшафтныя заказнікі дзяржаўнага значэння: «Белая Русь» (4460 га), «Купалаўскі» (2000 га). 3 помнікаў прыроды мясцовага значэння можна вылучыць: Лагойскі парк (помнік садова-паркавага мастацтва 1-й паловы XIX ст.), Лагойскую крыніцу, Паграбішчанскія крыніцы, 4 заказнікі мясцовага значэння.
Насельніцтва
Агульная колькасць насельніцтва Лагойскага раёна на 1 студзеня 2008 г. складае 38,4 тыс. чалавек (у 2006 — 38,9 тыс.). Шчыльнасць насельніцтва — 16 чал/км². У раёне 318 населеных пунктаў, г. Лагойск і г.п. Плешчаніцы.
Ахова здароўя
У структуру ДУЗ «Лагойская ЦРБ» уваходзяць: цэнтральная раённая бальніца, 2 паліклінікі, Плешчаніцкая 2-ая раённая бальніца, 1 участковая бальніца, 7 бальніц сястрынскага дагляду, 24 ФАПы, 2 цэладзённыя пасты хуткай медыцынскай дапамогі.
Адукацыя
Рэалізацыю права грамадзян на атрыманне паўнавартаснай адукацыі ажыццяўляюць розныя тыпы навучальных устаноў: 23 дзіцячыя дашкольныя ўстановы, 1 гімназія, 15 сярэдніх агульнаадукацыйных школаў, 5 вучэбна-педагагічных комплексаў, 7 базавых агульнаадукацыйных школ, 1 вучэбна-педагагічны комплекс, 3 вучэбна-педагагічныя комплексы, 1 вячэрняя (зменная) агульнаадукацыйная школа, 2 дамы дзіцячай творчасці, дзіцячы сацыяльны прытулак, 2 дзіцячыя дамы сямейнага тыпу, Цэнтр карэкцыйна-развіццёвага навучання і рэабілітацыі, 2 прафесійна-тэхнічныя вучылішчы, УКК.
Агульнаадукацыйныя ўстановы наведваюць 4618 вучняў, дашкольныя — 1138 дзяцей.
Ахоп навучэнцаў раёна рознымі тыпамі дыферэнцыяванага навучання склаў: у 1—11 кл. — 49 %, 8—11 кл. — 72,5 %. 85 % школаў надаюць адукацыйныя паслугі на падвышаным і паглыбленым узроўні. Установы адукацыі раёна падтрымліваюць сувязі з 7 вышэйшымі навучальнымі ўстановамі.
Культура
У раёне ёсць неабходная база для арганізацыі вольнага часу, задавальнення запатрабаванняў і развіцці творчых здольнасцяў жыхароў: 2 дзіцячыя школы мастацтваў, дом рамёстваў, ганчарная майстэрня, 42 бібліятэкі, 29 клубных устаноў, раённы гісторыка-краязнаўчы музей, раённы Цэнтр культуры.
Памятныя мясціны
На тэрыторыі раёна захаваліся архітэктурныя помнікі: Свята-Мікалаеўская царква ў Лагойску (1824), помнікі народнага драўлянага дойлідства другой паловы Х1Х стагоддзя — касцёл у в. Амнішава і царква ў в. Ізбішча, капліца ў в. Жардзяжжа — помнік эклектычнай архітэктуры (другая палова Х1Х-пачатак ХХ стст).
Вядомыя ўраджэнцы і жыхары
- Пётр Міхайлавіч Бахараў, Герой Савецкага Саюза
- Іосіф Антонавіч Беластоцкі, Заслужаны шафёр БССР
- Язэп Адамавіч Гладкі, грамадскі дзеяч, фалькларыст, этнограф
- Леанід Давыдавіч Куніца, беларускі кардыёлаг
- Святлана Усовіч, беларуская лёгкаатлетка
- Мая Міхайлаўна Яніцкая, беларускі мастацтвазнавец
Гл. таксама
- Засоўеўскі скарб
- Жабіцкая шкляная мануфактура
- Плешчаніцкая фабрыка драўляных шавецкіх капылоў і шпілек
Зноскі
- ↑ а б в Вынікі перапісу 2009 года
- ↑ «Дзяржаўны зямельны кадастр Рэспублікі Беларусь» (па стане на 1 студзеня 2011 г.)
- ↑ GeoNames — 2005. Праверана 9 ліпеня 2017.
Літаратура
- Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).