Крыштыяну Раналду

З пляцоўкі Вікіпедыя
(Пасля перасылкі з Крышціяну Раналду)
Перайсці да: рух, знайсці
Футбол
Крыштыяну Раналду
Shahter-Reak M 2015 (18).jpg
Агульная інфармацыя
Поўнае імя Крыштыяну Раналду душ Сантуш Авейру
Мянушкі Роні[1], КрыРа, CR, CR7
Машына, Крыс[2]
Нарадзіўся 5 лютага 1985(1985-02-05)[3] (32 гады)
Фуншал, Мадэйра, Партугалія
Грамадзянства Сцяг Партугаліі Партугалія
Рост 185 см
Вага 80 кг
Пазіцыя крайні паўабаронца, нападнік
Інфармацыя пра клуб
Клуб Сцяг Іспаніі Рэал Мадрыд
Нумар 7
Кар'ера
Моладзевыя клубы
1993 — 1995 Сцяг Партугаліі Андарынья
1995 — 1997 Сцяг Партугаліі Насьянал
1997 — 2002 Сцяг Партугаліі Спортынг (Лісабон)
Клубная кар'ера*
2002 — 2003 Сцяг Партугаліі Спортынг B (Лісабон) 2 (0)
2002 — 2003 Сцяг Партугаліі Спортынг (Лісабон) 25 (3)
2003 — 2009 Сцяг Англіі Манчэстэр Юнайтэд 196 (84)
2009 — Сцяг Іспаніі Рэал Мадрыд 260 (279)
Нацыянальная зборная**
2001 Сцяг Партугаліі Партугалія (да 15) 9 (7)
2001 — 2002 Сцяг Партугаліі Партугалія (да 17) 7 (5)
2002 — 2003 Сцяг Партугаліі Партугалія (да 21) 10 (3)
2003 Сцяг Партугаліі Партугалія (да 20) 5 (1)
2004 Сцяг Партугаліі Партугалія (алімп.) 3 (2)
2003 — Сцяг Партугаліі Партугалія 138 (71)
Міжнародныя медалі
Чэмпіянаты Еўропы
Срэбра Партугалія 2004
Бронза Польшча/Украіна 2012
Золата Францыя 2016
Дзяржаўныя ўзнагароды
Кавалер ордэна Бязгрэшнага зачацця Дзевы Марыі Віла-Вікозскай

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 8 красавіка 2016.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 28 сакавіка 2017.

Cristiano Ronaldo and Lionel Messi - Portugal vs Argentina, 9th February 2011.jpg

Крыштыя́ну Рана́лду душ Са́нтуш Аве́йру (парт.: Cristiano Ronaldo dos Santos Aveiro; нар. 5 лютага 1985, Фуншал, Партугалія) — партугальскі футбаліст, нападнік клуба «Рэал Мадрыд» і нацыянальнай зборнай Партугаліі, капітанам якой з'яўляецца. Самы дарагі футбаліст у свеце за ўсю гісторыю футбола — за яго пераход з «Манчэстэр Юнайтэд» у «Рэал» абышоўся мадрыдскаму клубу больш за 83 млн фунтаў стэрлінгаў. Лічыцца адным з найлепшых футбалістаў сучаснасці[4][5][6].

Раналду быў прызнаны найлепшым маладым іграком чэмпіянату Еўропы 2004. Крыштыяну з'яўляецца чэмпіёнам англійскай Прэм'ер-лігі сезонаў 2006/07, 2007/08 і 2008/09 гадоў. Некалькі разоў станавіўся найлепшым іграком англійскай лігі. У сезоне 2006/07 дайшоў з «Манчэстэр Юнайтэд» да паўфіналу Лігі чэмпіёнаў, а ў наступным сезоне выйграў у фінале ў лонданскага «Чэлсі». У 2008 годзе быў прызнаны найлепшым футбалістам года ў клубным еўрапейскім футболе паводле версіі УЕФА і найлепшым іграком Лігі чэмпіёнаў, атрымаўшы «Залаты мяч» як найлепшы футбаліст Еўропы і ўзнагароду «Ігрок года ФІФА» як найлепшы футбаліст свету.

Раннія гады[правіць | правіць зыходнік]

Крыштыяну нарадзіўся ў сям'і Марыі Далорэш душ Сантуш Авейру і Жазэ Дыніша Авейру, ён быў чацвёртым дзіцем у сям'і пасля старэйшага брата Угу, які нарадзіўся ў 1975 годзе, і дзвюх сясцёр, Эльмы (нарадзілася ў 1974 годзе) і Ліліяны Каці (нарадзілася ў 1976 годзе). Ліліян Каця — спявачка, якая выступае ў Партугаліі пад сцэнічным імем «Ronalda». Другое імя, дадзенае Крыштыяну пры нараджэнні, Раналду, для Партугаліі досыць рэдкае. Бацькі назвалі хлопчыка ў гонар Рональда Рэйгана, бо бацька Крыштыяну быў прыхільнікам былога амерыканскага прэзідэнта.

Кар'ера[правіць | правіць зыходнік]

Пачатак[правіць | правіць зыходнік]

У дзяцінстве любімай камандай Раналду была «Бенфіка». У васьмігадовым узросце ён гуляў за аматарскую каманду «Андарынья», у якой працаваў яго бацька. У 1995 годзе Крыштыяну падпісаў кантракт з мясцовым клубам «Насьянал». Пасля пераможнай кампаніі ў «Насьянал» Раналду адправіўся на трохдзённы прагляд у «Спортынг», па выніках якога заключыў кантракт з лісабонскім клубам[7].

«Спортынг»[правіць | правіць зыходнік]

У 1997 годзе Раналду перайшоў у моладзевую акадэмію «Спортынга». Ён стаў адзіным футбалістам у гісторыі клуба, якія згулялі за ўсе склады «Спортынгу» — да 16, да 17, да 18 гадоў, рэзервовую і асноўную каманды — на працягу аднаго сезона[8]. Ён дэбютаваў за дарослы склад «Спортынгу» 15 жніўня 2001 года ў таварыскім матчы супраць лісабонскага «Атлетыка», выйшаўшы на замену ў другім тайме і вызначыўшыся забітым мячом[9]. У гэты ж час ён згуляў за зборную Партугаліі на моладзевым чэмпіянаце Еўропы для футбалістаў да 17 гадоў[10].

«Манчэстэр Юнайтэд»[правіць | правіць зыходнік]

У футболцы «Манчэстэр Юнайтэд»

Раналду стаў першым партугальскім іграком у гісторыі «Манчэстэр Юнайтэд», заключыўшы кантракт з клубам пасля заканчэння сезону 2002/03. Сума трансферу склала 12,24 млн фунтаў[11]. Раналду папрасіў для сябе нумар «28» (свой нумар у «Спортынгу»), бо не хацеў дадатковага ціску, звязанага з нумарам «7», які раней належаў такім легендарным ігракам «Юнайтэд», як Джордж Бест, Браян Робсан, Эрык Кантана і Дэвід Бекхэм.

Раналду дэбютаваў за «Юнайтэд» у хатнім матчы з клубам «Болтан Уондэрэрс» на стадыёне «Олд Трафард» 16 жніўня 2003 года, выйшаўшы на замену. Сустрэча завяршылася перамогай гаспадароў з лікам 4:0. Першы гол за «чырвоных д'яблаў» партугалец забіў 1 лістапада 2003 года ў матчы з «Портсмутам», які скончыўся з лікам 3:0.

У лістападзе і снежні 2006 года Раналду атрымаў званне іграка месяца Прэм'ер-лігі, стаўшы трэцім у гісторыі гэтага турніру футбалістам, якому атрымалася ўзяць дзве ўзнагароды запар, пасля Дэніса Бергкампа ў 1997 годзе і Робі Фаўлера ў 1996 годзе[12][13]. 5 мая 2007 года Раналду забіў свой 50 гол за «Юнайтэд» у дэрбі з «Манчэстэр Сіці», пасля якога клуб заваяваў тытул чэмпіёнаў Прэм'ер-лігі сезону 2006/07. Нягледзячы на чуткі, што з'явіліся ў сакавіку 2007 года, пра тое, што «Рэал Мадрыд» гатовы заплаціць за Раналду 80 млн еўра (54 млн фунтаў)[14], 13 красавіка партугалец падпісаў 5-гадовы кантракт з клубам, які прадугледжваў таксама павелічэнне зарплаты да 120 тысяч фунтаў у тыдзень, што зрабіла яго самым высокааплатным футбалістам у гісторыі «Манчэстэр Юнайтэд»[15][16].

«Рэал Мадрыд»[правіць | правіць зыходнік]

Летам 2009 года Раналду перайшоў у стан «Рэал Мадрыда». У ходзе перамоў Фларэнтына Перэс і Дэвід Гіл сышліся на суме ў 93,4 млн еўра, што адпавядала на той момент каля 80 млн фунтаў стэрлінгаў. Партугальскі паўабаронца стаў самым дарагім іграком у гісторыі сусветнага футбола, пабіўшы рэкорд Зідана, які перайшоў з турынскага «Ювентуса» ў мадрыдскі «Рэал» у 2001 годзе за прыкладна 76 млн еўра.

Першы гол за «Рэал» Раналду забіў у матчы з эквадорскім ЛДУ, вызначыўшыся з пенальці. Першы гол у афіцыйным матчы за «Рэал Мадрыд» Раналду забіў 29 жніўня 2009 года ў сустрэчы з «Дэпартыва», вызначыўшыся на 35 хвіліне з пенальці, той матч скончыўся з лікам 3:2 на карысць «Рэалу». Другі гол ён забіў 12 верасня ў матчы з «Эспаньёлам» (3:0) у дададзены арбітрам час.

18 красавіка 2017 года ў адказным чвэрцьфінальным матчы Лігі чэмпіёнаў супраць мюнхенскай «Баварыі» аформіў хет-трык. Пры гэтым два мячы з трох былі забіты з афсайду, але суддзя не адмяніў галы і «Рэал» выйшаў у наступны раўнд. Гэты поспех дазволіў Раналду стаць першы ў гісторыі іграком, які забіў 100 галоў у Лізе чэмпіёнаў.

Міжнародная кар'ера[правіць | правіць зыходнік]

Крыштыяну Раналду ўпершыню на міжнароднай арэне заявіў пра сябе на хатнім для партугальцаў Еўра-2004. На гэтым чэмпіянаце Крыштыяну некалькі разоў выступаў якасці аўтараў галоў і галавых перадачаў, выйшаўшы разам з каманд у фінал, але атрымаўшы паражэнне ў ім ад грэкаў. У адборачным цыкле да чэмпіянату свету 2006 найбольш яскрава Крыштыяну згуляў у матчы супраць зборнай Расіі, забіўшы 2 галы. У тым цыкле Крытыяну агулам забіў 7 мячоў, але ў фінальнай частцы дайшлі толькі да паўфіналу і ў выніку занялі чацвёртае месца.

На Еўра-2008 на партугальцаў ускладалі вялікія надзеі, бо Крыштыяну правёў фантастычны сезон за «Манчэстэр Юнайтэд», пры гэтым ён забіў 8 галоў у адборачным турніры. Ён правёў выдатны матч супраць каманды Чэхіі, забіўшы гол і аддаўшы галавы пас на Рыкарду Куарэжму. У чвэрцьфінале, нягледзячы на ўсе намаганні Раналду, партугальцы саступілі немцам з лікам 2:3. На чэмпіянаце свету 2010 года Крыштыяну таксама быў адным з лідараў зборнай, якая выйшла ў наступны раўнд без прапушчаных мячоў. Аднак ужо ў 1/8 фіналу партугальская каманды атрымала паражэнне ад чэмпіёнаў таго спаборніцтва зборнай Іспаніі.

На Еўра-2016 разам са сваёй камандай стаў чэмпіёнам Еўропы. У фінальным матчы пакінуў поле на 25-й хвіліне з-за траўмы, атрыманай у сутыкненні з Дымітры Пае, але ў выніку яго зборная перамагла гаспадароў чэмпіянату — зборную Францыі (1:0).

Дасягненні[правіць | правіць зыходнік]

Персанальныя[правіць | правіць зыходнік]

Клубныя[правіць | правіць зыходнік]

Сцяг Англіі Манчэстэр Юнайтэд

Сцяг Іспаніі Рэал Мадрыд

Міжнародныя[правіць | правіць зыходнік]

Сцяг Партугаліі Партугалія

Зноскі[правіць | правіць зыходнік]

  1. Ronny bound to be great (англ.) . ManUtd.com (2013-02-11). Архівавана з першакрыніцы 15 лютага 2013.
  2. Мянушкі ігракоў «Рэала»
  3. Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #140422390 // Общий нормативный контроль — 2012—2016.
  4. Ronaldo best in world, says Terry. BBC Sport (англ.) 
  5. He’s got the world at his feet, The Guardian (англ.) 
  6. Роналду поможет «Реалу» побороться за титулы — Кака. РИА Новости (руск.) 
  7. Profile of Ronaldo at about.com. About.com. (англ.) 
  8. Clash of the titans. ManchesterEveningNews.com. (англ.) 
  9. Пратакол сустрэчы"Спортынг" — «Атлетыка» (парт.) 
  10. Famous players featured in U17 c’ships. UEFAU17.com. (англ.) 
  11. Cristiano Ronaldo. Sky Sports. (англ.) 
  12. Ronaldo lands back-to-back accolades. Inthenews.com. (англ.) 
  13. Ronaldo wins monthly award again. BBC Sport. (англ.) 
  14. Real ready to offer £54m to secure Ronaldo. The Guardian. 12.04.2007. (англ.) 
  15. Ferguson lets rip at Madrid after Ronaldo signs £31m deal. The Times. 14.04.2007. (англ.) 
  16. Ronaldo signs new deal at Man Utd. BBC Sport. 13.04.2007. (англ.) 

Спасылкі[правіць | правіць зыходнік]