Пашпарт «Новай Беларусі»
Пашпарт «Новай Беларусі» — праект альтэрнатыўнага пашпарта для грамадзян Рэспублікі Беларусь, які мог бы засведчваць асобу і дазваляў легальна перамяшчацца паміж краінамі. Пачаты беларускім Аб’яднаным пераходным кабінетам у адказ на забарону беларусам атрымліваць эміграцыйныя дакументы ў дыпламатычных місіях Беларусі за мяжой[1][2] ў сувязі з палітычным крызісам, які працягваецца ў краіне. Упершыню праект прадставіў член Кабінета Валерый Кавалеўскі на канферэнцыі «Новая Беларусь» у 2023 годзе.[3] Паводле рашэння Аб’яднанага пераходнага кабінета першыя фізічныя ўзоры дакумента мусяць з’явіцца ў 2024 годзе.
Патрэбе ў такім дакуменце папярэднічала масавая эміграцыя беларусаў пасля прэзідэнцкіх выбараў і палітычнага крызісу 2020 года.[4] Для многіх з тых, хто пакінуў Беларусь, пытанне абнаўлення дакументаў стала актуальным, бо не ўсе з іх могуць прыехаць у Беларусь з прычыны небяспекі рэпрэсій. У некаторых эмігрантаў ёсць дзеці, якія таксама з гэтых прычын не могуць атрымаць пашпарт. Праблема заахвоціла Аб’яднаны пераходны кабінет пад старшынствам Святланы Ціханоўскай распрацаваць праект альтэрнатыўнага пашпарта.
Зноскі
- ↑ Дыпмісіі не будуць выдаваць пашпарты беларусам, якія жывуць за мяжой . euroradio.fm (5 верасня 2023). Праверана 5 сакавіка 2024.
- ↑ Указ Лукашэнкі, які забараняе замену пашпартоў за мяжой, афіцыйна апублікаваны . belsat.eu. Праверана 5 сакавіка 2024.
- ↑ Падчас канферэнцыі «Новая Беларусь» прэзентавалі альтэрнатыўны беларускі пашпарт . belsat.eu. Праверана 5 сакавіка 2024.
- ↑ Сцяпан Кубік. З Беларусі пасля 2020 года эмігравалі 200 тысяч асобаў, паведамілі ў МУС . belsat.eu (19 студзеня 2024). Праверана 5 сакавіка 2024.
Спасылкі
[правіць | правіць зыходнік] | |||||
|---|---|---|---|---|---|
| Кіраўніцтва |
|  | |||
| Прадстаўнікі |
| ||||
| Дзейнасць | |||||