Каардынацыйная рада (Беларусь)

З пляцоўкі Вікіпедыя
Jump to navigation Jump to search
Каардынацыйная рада
First press conference of the Coordination Council of Belarus.jpg
Тып арганізацыі палітычная арганізацыя[d][1], калегіяльнасць[d] і прадстаўнічая дэмакратыя[d]
Афіцыйныя мовы беларуская і руская
Заснаванне
Дата заснавання 18 жніўня 2020
Узнагароды
rada.vision/by
Commons-logo.svg Каардынацыйная рада на Вікісховішчы

Каардынацыйная Рада па арганізацыі працэсу пераадолення крызісу — недзяржаўны палітычны і грамадзянскі орган на тэрыторыі Беларусі. Рада створаная з даручэння Святланы Ціханоўскай з мэтай прыняцця захадаў па стабілізацыі сітуацыі ў краіне, забеспячэння трансферу ўлады і абароны суверэнітэту і незалежнасці Рэспублікі Беларусь.[2]

Склад[правіць | правіць зыходнік]

У склад Рады першапачаткова ўвайшлі каля 70 чалавек. 19 жніўня абраны Прэзідыум з сямі чалавек:

Асноўны склад:

Інфармацыя аб тым, што ў склад увайшоў Старшыня Назіральнага савета групы кампаній «А-100» Аляксандр Цэнтэр, была абвергнута на сайце кампаніі.Группа кампаній А-100. Против насилия (руск.)  (2020-08-17).

Народнае антыкрызіснае кіраўніцтва[правіць | правіць зыходнік]

26 кастрычніка 2020 года Каардынацыйная рада ўхваліла прынцыпы дзейнасці Народнага антыкрыіснага кіраўніцтва, якое ўзначаліў Павел Латушка. Вызнааныя мэты: забяспечыць мірнае завяршэнне выканання функцый нелегітымнымі органамі ўлады, стабілізацыя сістэмы кіравання краінай пасля пераходу ўлады да народа[3].

Пераслед[правіць | правіць зыходнік]

З моманту стварэння Каардынацыйнай рады і абрання Прэзідыума іх сябры падвяргаюцца жорсткаму ціску з боку ўладаў Беларусі. Генеральнай пракуратурай па факце стварэння і дзейнасці КР была ўзбуджаная крымінальная справа па арт. 361 КК (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь), у рамках якой адбываліся актыўныя выклікі на допыты як членаў Прэзідыума, так і іншых членаў рады.

У снежні 2020 года Генеральная пракуратура распачала крымінальныя справы ў дачыненні Святланы Ціханоўскай, Марыі Калеснікавай, Максіма Знака, Паўла Латушкі, Вольгі Кавальковай і іншых асоб па факце стварэння экстрэмісцкага фармавання і кіраўніцтва ім, г. зн. здзяйснення злачынства, прадугледжанага ч. 1 ст. 361-1 Крымінальнага кодэксу.

Ацэнкі[правіць | правіць зыходнік]

У кастрычніку 2020 года Еўрапейскі парламент узнагародзіў беларускую апазіцыю, прадстаўленую Каардынацыйный радай, прэміяй «За свабоду думкі» імя Андрэя Сахарава[4]. У спісе лаўрэатаў: Марыя Калеснікава, Святлана Ціханоўская, Святлана Алексіевіч, Вольга Кавалькова, Вераніка Цапкала, Сяргей Ціханоўскі, Алесь Бяляцкі, Сяргей Дылеўскі, Сцяпан Пуціла, Мікалай Статкевіч[5].

Зноскі

Спасылкі[правіць | правіць зыходнік]