Courage (фільм)

Адвага
Courage
Жанр	дакументальны фільм
Рэжысёр	Аляксей Палуян
Прадзюсары	Ёрн Мёленкамп Мікалай Лаўранюк
Сцэнарыст	Аляксей Палуян
Аператары	Таццяна Гаўрыльчык Джэсі Мацух
Працягласць	90 хв.
Краіны	Германія Беларусь
Мовы	беларуская руская
Год	2021
IMDb	ID 14035258
Медыяфайлы на Вікісховішчы

«Courage» — дакументальны фільм беларускага рэжысёра Аляксея Палуяна пра падзеі лета-восені 2020 года ў Беларусі.

Сюжэт

Кінакарціна дэманструе кадры, зробленыя на рэпетыцыях і выступах акцёраў «Свабоднага тэатра», на масавых пратэстах у канцы лета і пачатку восені 2020 года ў Мінску, на акцыі ў памяць забітага сілавікамі Аляксандра Тарайкоўскага, а таксама каля ізалятара на Акрэсціна. У працы ёсць таксама архіўныя кадры з 1990-х гадоў — дэманстрацый пратэсту і акцый у памяць пра зніклых апазіцыянераў.

Прэм’ера

Прэм’ера фільма адбылася 5 сакавіка 2021 года на Берлінскім міжнародным кінафестывалі ў рамках пазаконкурснай праграмы — секцыі «Berlinale Special».

Здымкі

Прэзентацыя фільма «Courage» Аляксея Палуяна ў Быдгашчы

Здымкі былі пачаты яшчэ ў канцы 2018 года. Першапачаткова планавалася расказаць пра тое, як жывецца і працуецца незалежным мастакам, якія кажуць тое, што яны лічаць праўдай, і закранаюць палітычныя тэмы ў сваім мастацтве.