Плошча Свабоды (Мінск)

Плошча Свабоды Мінск
Агульная інфармацыя
Краіна	Беларусь
Горад	Мінск
Аўтобусныя маршруты	1, 69
Медыяфайлы на Вікісховішчы

Плошча Свабоды — адна з цэнтральных плошчаў у Мінску, Беларусь, утворана ў пачатку XVI стагоддзя як адміністрацыйны, гандлёвы і культурны цэнтр горада. Размешчана на ўзвышаным беразе ракі Свіслач.

Гісторыя

Плошча ў 1918 годзе

Да 1860-х гадоў называлася Верхнім рынкам, да 1917 года — Саборнай плошчай. З 1917 па 1933 гг. насіла назву «Пляц Волі».

Плошча Свабоды лічылася цэнтральнай, але ў гады Вялікай Айчыннай вайны была моцна разбурана і страціла сваё значэнне.

На плошчы стаіць гарадская ратуша, адноўленая ў 2003 годзе па апошняму праекту (была пабудавана ў 1582 годзе, затым некалькі разоў перабудоўваўся і была знесена ў 1857 годзе), а таксама архікафедральны касцёл Імя Найсвяцейшай Дзевы Марыі (1700—1710 гады).

У цэнтры плошчы Свабоды да рэвалюцыі стаяў помнік Расійскаму імператару Аляксандру II вызваліцелю, створаны на добраахвотныя ахвяраванні мінчан.

Планіроўка плошчы

Мікалай Тарасікаў. «Плошча Свабоды ў Мінску», 1940

Ансамбль плошчы

Заходні бок плошчы

Мінская ратуша

Асноўны артыкул: Мінская ратуша

Архікафедральны касцёл Найсвяцейшай Дзевы Марыі

Асноўны артыкул: Архікафедральны касцёл Імя Найсвяцейшай Дзевы Марыі

Царква Святога Духа

Асноўны артыкул: Царква Святога Духа, Мінск

Помнік Аляксандру II

На плошчы Свабоды, якая прылягае да вуліцы Інтэрнацыянальнай, за гарадской ратушай разбіты невялікі сквер. Беларускі этнограф і пісьменнік П. Шпілеўскі, які бываў у Мінску напачатку 50-х гадоў XIX стагоддзя, пісаў, што ў цэнтры плошчы

… размешчаны невялікі круглы бульвар, абрамлены ў два шэрагі векавымі пірамідальнымі таполямі, якія ўтвараюць з сябе даволі цяністую алею, у сярэдзіне бульвара разведзены маленькі парк ці, правільней, кветнік. Бульвар наведваецца мінчукамі больш улетку, калі каля ратушы грае гарадская музыка: тым часам па вечарах абедзве алеі, круглая і папярочная, напаўняюцца лепшым светам гараджан і гараджанак, прыбраных не горш пецярбургскіх прыгажунь.

Менавіта ў гэтым скверы ў студзені 1901 года быў адкрыты першы скульптурны помнік у Мінску — бюст Аляксандра II, на чорным гранітным пастаменце якога былі выбіты словы:

Помнік Аляксандру II у скверы

Императору Александру II. Благодарные граждане города Минска. 1900 год (бел.: Імператару Аляксандру II. Удзячныя грамадзяне горада Мінска. 1900 год)

З аднаўленнам Мінскай ратушы ў 2003 годзе сквер быў рэканструяваны: былі разбіты дзве авальныя алеі з высаджанымі пірамідальнымі таполямі, устаноўлены чыгунныя ліхтары і лаўкі.

Гл. таксама

• Плошчы Мінска
• Вуліцы Мінска
• Манастыр бернардзінцаў, Мінск

Спасылкі

• На Вікісховішчы ёсць медыяфайлы па тэме Плошча Свабоды (Мінск)
• Гісторыя Плошчы Свабоды Архівавана 3 верасня 2018. — «Мінск стары і новы»