Горад Пекін

З пляцоўкі Вікіпедыя.
Перайсці да: рух, знайсці
Горад
Пекін
Beijing montage.png

Каардынаты: 39°56′00″ пн. ш. 116°24′00″ у. д. / 39.933333° пн. ш. 116.4° у. д. (G) (O) (Я)39°56′00″ пн. ш. 116°24′00″ у. д. / 39.933333° пн. ш. 116.4° у. д. (G) (O) (Я)

Краіна

Пекін (Кітай)
Пекін
Пекін

Пекін — горад у Кітаі, сталіца Кітайскай Народнай Рэспублікі. Мае статус асобнай адміністрацыйнай адзінкі, якая падпарадкоўваецца непасрэдна кіраўніцтву краіны.

Пекін — другі, паводле колькасці насельніцтва, горад Кітая, саступае па гэтым паказчыку толькі Шанхаю. Акрамя сталічнага статусу, Пекін лічыцца найбуйны палітычным, культурным і асветніцкім цэнтрам краіны. Гэта адзін з найважнейшых транспартных вузлоў: праз горад праходзяць важныя чыгуначныя і аўтамабільныя шляхі. У горадзе працуе буйны міжнародны аэрапорт. Апошнім часам Пекін набывае таксама ролю эканамічнага лакаматыву краіны, які паспяхова канкуруе з Шанхаем і Ганконгам.

Слова «Пекін» літаральна перакладаецца з кітайскай як «паўночная сталіца». Варта адзначыць, што на афіцыйным дыялекце кітайскай мовы — путунхуа — назва сталіцы краіны вымаўляецца як Бэйцзін. Менавіта такая транскрыпцыя падаецца ў англійскай мове. Аднак у шмат якіх мовах свету выкарыстоўваецца форма «Пекін», якая паходзіць з французскай мовы. Форма «Пекін» ужываецца і ў афіцыйнай англамоўнай назве Пекінскага ўніверсітэта.

Насельніцтва Пекіна, паводле афіцыйных дадзеных 2005 года, перавышае 12 мільёнаў чалавек. 95 % жыхароў сталіцы — этнічныя кітайцы. Сярод прадстаўнікоў нацыянальных меншасцяў варта згадаць манчжураў, манголаў, карэйцаў і інш. Таксама ў кітайскай сталіцы пражывае даволі шмат іншаземцаў, галоўным чынам, прадпрымальнікаў, прадстаўнікоў замежных кампаній і канцэрнаў у Кітаі, студэнтаў з розных краін свету.

Адным з найбольш цікавых месцаў кітайскай сталіцы з'яўляецца Забаронены горад — палацавы комплекс, у якім на працягу стагоддзяў размяшчалася рэзідэнцыя кітайскіх імператараў. Забаронены горад абнесены высокімі мурамі і ўяўляе сабой горад у горадзе. Сёння Забаронены горад — адзін з найбуйных музейных цэнтраў кітайскай сталіцы.

У 2008 годзе ў Пекіне прайшлі Летнія алімпійскія гульні.

Гл. таксама[правіць | правіць зыходнік]