Акупацыя Германскага Самоа

Акупацыя Германскага Самоа
Асноўны канфлікт: Азіяцка-Ціхаакіянскі тэатр ваенных дзеянняў Першай сусветнай вайны
Дата	29 жніўня 1914 года
Месца	Германскае Самоа
Вынік	Акупацыя Германскага Самоа новазеландскімі войскамі
Праціўнікі
Брытанская імперыя: Новая Зеландыя Германская імперыя: Германскае Самоа
Камандуючыя
Роберт Логан Эрых Шульц Эверф
Сілы бакоў
1370 чалавек

Акупа́цыя Герма́нскага Само́а (29 жніўня 1914 года) — эпізод Першай сусветнай вайны, першы ўдзел новазеландскіх сіл у вайне.

Перадгісторыя

7 жніўня 1914 года Брытанскі ўрад праінфармаваў дамініён Новая Зеландыя, што ў інтарэсах Імперыі было б захапіць радыёстанцыю каля Апіі, якую выкарыстала Германская Усходне-Азіяцкая крэйсерская эскадра. Новая Зеландыя прэтэндавала на Германскае Самоа з часоў Седана, і Аляксандр Годлі ў 1913 годзе абмяркоўваў з брытанскімі ваеннымі ўладамі магчымасць яго захопу.

Ход падзей

Атрад колькасцю 1370 чалавек адплыў 15 жніўня. Канвой спыніўся на Фіджы, каб узяць там правадыроў і перакладчыкаў, а таксама дачакацца сустрэчы з лінейным крэйсерам «Аўстралія», крэйсерам «Мэльбурн» і французскім крэйсерам «Манкальм», так як эскартуючыя канвой крэйсеры «Філамел», «Пірамус» і «Псіхе» былі горш, чым маючыяся ў эскадры Шпее браняносныя крэйсеры «Шарнхорст» і «Гнейзенаў». 29 жніўня новазеландскія войскі дэсантаваліся на Апіі. Супраціву не было, і акупацыя была ажыццёўлена мірна. Германскія браняносныя крэйсеры «Шарнхорст» і «Гнейзенаў» з’явіліся ў Апіі 14 верасня, але адышлі без абмену стрэламі.

Пасля эскартавання дэсанту аўстралійскія караблі адплылі ў Порт-Морсбі, каб адканваяваць транспарт «Каноўна» з дэсантам, прызначаным для высадкі ў Германскай Новай Гвінеі.

Вынікі

Акупацыйныя сілы заставаліся на Самоа да 1920 года, калі па пастанове лігі Нацый Новая Зеландыя атрымала мандат катэгорыі «C» на кіраванне Заходнім Самоа.

Крыніцы

• Заморские театры Первой мировой войны. — М.: АСТ, 2003. — ISBN 5-17-018624-X