Заходнеафрыканская кампанія

З пляцоўкі Вікіпедыя
Jump to navigation Jump to search
Заходнеафрыканская кампанія
Асноўны канфлікт: Афрыканскі тэатр Першай сусветнай вайны
Cameroonian troops in World War I.jpgАфрыканскія войскі ў Камеруне.
Дата 19141916
Месца Тога, Камерун
Вынік Перамога Антанты.
Праціўнікі
Антанта і саюзнікі:

Сцяг Вялікабрытаніі Брытанская імперыя:
Сцяг Францыі Францыя
Flag of Belgium (civil).svg Бельгія

Flag of the German Empire.svg Германская імперыя
Commons-logo.svg Аўдыё, фота, відэа на Вікісховішчы
 
Тэатры ваенных дзеянняў Першай сусветнай вайны
Еўропа

Балканы✰ ІталіяЗаходняя ЕўропаУсходняя Еўропа
Блізкі Усход
АравіяПаўднёвая АравіяКаўказСінай і ПалестынаМесапатаміяПерсіяДарданэлы
Афрыка
Паўднёва-Заходняя АфрыкаТагалендКамерунУсходняя АфрыкаПаўночная Афрыка
Азія і Ціхі Акіян
СамоаЦындааМікранезія
Вайна на моры
АтлантыкаМіжземнае мораЦіхі і Індыйскі акіяны

 
Афрыканскі тэатр Першай сусветнай вайны
Заходняя АфрыкаПаўднёва-Заходняя АфрыкаУсходняя АфрыкаПаўночная Афрыка

Захо́днеафрыка́нская кампа́нія Першай сусветнай вайны — захоп войскамі краін Антанты германскіх калоній у заходняй і цэнтральнай Афрыцы.

Становішча перад пачаткам вайны[правіць | правіць зыходнік]

Перад пачаткам Першай сусветнай вайны ў Германскай імперыі было дзве калоніі ў Цэнтральнай і Заходняй Афрыцы: Тогаленд і Германскі Камерун. Яны былі з усіх бакоў акружаны тэрыторыямі, падкантрольнымі будучым ворагам Германіі: Францыі, Бельгіі і Вялікабрытаніі. Германія толькі-толькі прыступіла да засваення гэтых зямель, і не мела дастаткова сіл для іх абароны.

Тогаленд[правіць | правіць зыходнік]

Тогаленд у 1915 годзе.

У Тогалендзе не мелася войскаў, там былі толькі паліцэйскія сілы. Пасля пачатку вайны туды ўварваліся брытанскія войскі з Залатога Берага і французскія войскі з Дагамеі. 22 жніўня 1914 года імі была атакаваная радыёстанцыя ў Каміне, і мясцовы германскі камандуючы капітуляваў праз чатыры дні, папярэдне аддаўшы загад аб знішчэнні радыёстанцыі і прасачыўшы за яго выкананнем.

Германскі Камерун[правіць | правіць зыходнік]

Баявыя дзеянні ў Германскім Камеруне

У Германскім Камеруне знаходзілася каля тысячы нямецкіх салдат, і каля 3 тысяч салдат-афрыканцаў. З пачаткам вайны брытанскія войскі атакавалі Камерун з тэрыторыі Нігерыі, рухаючыся трыма рознымі маршрутамі, аднак атакі ўсіх трох калон былі адбітыя германскімі войскамі, якія выкарысталі ўмовы мясцовасці і тактыку засад. Французскія войскі атакавалі Камерун з тэрыторыі Чада і захапілі Кусеры. У пачатку верасня франка-бельгійскія войскі ўзялі Лімбе, а 27 верасня, пры артылерыйскай падтрымцы ад брытанскіх і французскіх крэйсераў — эканамічную сталіцу калоніі горад Дуала. У чэрвені 1915 года брытанцам здаўся германскі гарнізон горада Гаруа.

Адзіным буйным цэнтрам германскага супраціўлення застаўся Яўндэ. Бельгійска-французскія сілы рушылі ўглыб кантынента ўздоўж трасы будаваўшайся немцамі чыгункі, адбіваючы па шляху атакі германскіх войскаў, і ў лістападзе 1915 года ўзялі горад. Большасць германскіх салдат адступіла ў нейтральную Іспанскую Гвінею, дзе былі інтэрнаваныя да канца вайны. Апошні нямецкі апорны пункт у Камеруне капітуляваў у лютым 1916 года.

Літаратура[правіць | правіць зыходнік]

  • «Заморские театры Первой мировой войны» — ООО «Издательство АСТ», 2003. ISBN 5-17-018624-X.