Перайсці да зместу

Дэкрэт аб абароне суверэнітэту і канстытуцыйнага ладу

Дадаць спасылкі
З Вікіпедыі, свабоднай энцыклапедыі
Дэкрэт Прэзідэнта Рэспублікі Беларусь
«Аб абароне суверэнітэту і канстытуцыйнага ладу»
руск.: О защите суверенитета и конституционного строя
Дзяржава: Сцяг Беларусі Беларусь
Нумар: 2
Прыняцце: Прэзідэнтам Рэспублікі Беларусі Аляксандрам Лукашэнкам 9 мая 2021
Уступ у сілу: 9 мая 2021

Дэкрэт Прэзідэнта Рэспублікі Беларусь № 2 «Аб абароне суверэнітэту і канстытуцыйнага ладу» (руск.: О защите суверенитета и конституционного строя) — дэкрэт, выдадзены Прэзідэнтам Рэспублікі Беларусі Аляксандрам Лукашэнкам 9 мая 2021 года.

Супярэчнасці дэкрэта Канстытуцыі

[правіць | правіць зыходнік]

Дэкрэт прадугледжвае пераход улады да Савета бяспекі Рэспублікі Беларусь⁣ у выпадку гібелі прэзідэнта Аляксандра Лукашэнкі. Аднак па Канстытуцыі Рэспублікі Беларусь⁣ у выпадку смерці ці недзеяздольнасці прэзідэнта ўлада пераходзіць да прэм'ер-міністра Рэспублікі Беларусь.

У дэкрэце сказана, што адначасова з пераходам улады да Савета бяспекі ў краіне ўводзіцца ваеннае ці надзвычайнае становішча і праводзяцца выбары. Аднак, па Канстытуцыі выбары ў час ваеннага ці надзвычайнага становішча праводзіць нельга.

Ацэнка экспертаў

[правіць | правіць зыходнік]

Беларускі палітолаг Валерый Карбалевіч звярнуў увагу, што назва дэкрэта не адпавядае зместу, бо «якое дачыненне да суверэнітэту мае механізм перахода ўлады — не вядома». Спецыяліст, таксама звярнуў увагу, што «дакумент стварыў вялікую юрыдычную блытаніну, якая нічым добрым не скончыцца».

Дырэктар інстытута «Палітычная сфера» Андрэй Казакевіч лічыць, што дэкрэт «дрэнны з усіх бакоў». Па-першае, ён супярэчыць Канстытуцыі; па-другое, новы прэзідэнт, ці то часовы (прэм'ер-міністр), ці то новаабраны — можа ў любы момант выдаць свой дэкрэт, які адмяняе ўсе папярэднія дэкрэты А. Лукашэнка; па-трэцяе, навошта перадаваць уладу органу, які не мае рэальнай практыкі дзейнасці. У выніку, падобная перадача ўлады закладвае толькі рызыкі для стабілізацыі і ўстойлівасці сістэмы ўлады[1][2].

Палітычны аглядальнік Арцём Шрайбман выказаў думку, што дакумент «палітычна бясплодны»[3].

Зноскі

  1. ↑ «С большей вероятностью, после Лукашенко не будет преемственности». Эксперты о знаковом декрете (руск.)(недаступная спасылка). TUT.by (12 мая 2021). Архівавана з першакрыніцы 12 мая 2021. Праверана 12 мая 2021.
  2. ↑ ПОЛИТБЛОГ #4: О политической пустоте. Декрет №2 «О защите суверенитета и конституционного строя» (руск.). ePramova (10 мая 2021). Праверана 12 мая 2021.
  3. ↑ [t.me/shraibman /308 Развили тему с декретом Лукашенко о совбезе в передаче Юрия Дракохруста] (руск.). Telegram-канал Shraibman (11 мая 2021). Праверана 12 мая 2021.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Дэкрэт_аб_абароне_суверэнітэту_і_канстытуцыйнага_ладу&oldid=4755850"