Януш Тышкевіч

Януш Скумін-Тышкевіч
Януш Скумін-Тышкевіч. Гравюра К. Гётке з кнігі А. Дубовіча «Адпраўка асобы». Вільня, 1642
Герб «Ляліва»
11-ы ваявода мсціслаўскі 21 жніўня 1621 — 20 сакавіка 1626
Папярэднік	Марцін Матэвушавіч Гедройц
Пераемнік	Мікалай Станіслававіч Кішка
19-ы ваявода віленскі верасень 1640 — 27 мая 1642
Папярэднік	Крыштаф Радзівіл
Пераемнік	Крыштаф Хадкевіч
ваявода троцкі 20 сакавіка 1626 — верасень 1640
Папярэднік	Аляксандр Хадкевіч
Пераемнік	Пётр Пац
Нараджэнне	каля 1572
Смерць	27 мая 1642(1642-05-27) Вільня, Віленскі павет, Віленскае ваяводства, Вялікае Княства Літоўскае, Рэч Паспалітая
Месца пахавання	Царква Святой Тройцы і базыльянскі манастыр
Род	Тышкевічы
Бацька	Фёдар Тышкевіч
Маці	Кацярына Ляцкая
Жонка	Барбара Нарушэвіч
Дзеці	Яўгенія Тышкевіч
Веравызнанне	уніяцтва

Януш Скумін ТЫШКЕВІЧ (каля 1572 — 27 мая 1642) — вялікалітоўскі дзяржаўны дзеяч. Ваявода мсціслаўскі, троцкі (з 1626), віленскі (з 1640), староста браслаўскі, юрборскі і навадворскі.

Біяграфія

Прадстаўнік старэйшай лініі роду Тышкевічаў (Скумін-Тышкевічы) гербу «Ляліва», сын Тэадора, ваяводы наваградскага, і Кацярыны з Ляцкіх.

Навучаўся ў Падуанскім універсітэце. Удзельнічаў у пасольствах у Прусію, перамовах са Швецыяй. Ваяваў супраць шведаў у Інфлянтах у вайне Рэчы Паспалітай са Швецыяй (1600—1618) і супраць туркаў у Хоцінскай бітве (1621).

Аўтар дзённіка мірных перамоў са Швецыяй у 1625. Браў удзел у рэлігійнай палеміцы падчас складання Берасцейскай уніі (1596), выдаў брашуру «Ліст да Барэцкага і Сматрыцкага супраць царквы ўсходняй».

У 1618 зрабіў ахвяраванне на карысць кляштара бенедыкцінцаў у Гродна.

Першы раз ажаніўся з Барбарай, дачкой Станіслава Нарушэвіча, другі — з Соф’яй Замяхоўскай. У першым шлюбе меў дачку Кацярыну Яўгенію, якая стала жонкай Аляксандра Людвіка Радзівіла.

Літаратура

• Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.