Аландскія астравы

Правінцыя Аланды
Landskapet Åland

Сцяг Аландскіх астравоў Герб Аландскіх астравоў 60.205556, 20.485833
Дэвіз: «Астравы свету»
Гімн: «Ålänningens sång»
Заснавана	1920 (аўтаномія)
Афіцыйная мова	шведская
Сталіца	Марыехамн
Найбуйнейшыя гарады	Марыехамн
Форма праўлення	Аўтаномная правінцыя
Губернатар Прэм'ер-міністр	Петэр Ліндбек Вівека Эрыксан
Плошча • Усяго • % воднай паверхні	13 324 км² 89 %
Насельніцтва • Ацэнка (2010) • Шчыльнасць	28 007 чал. 19,0 чал./км²
Валюта	еўра (неафіцыйна — шведская крона)
Авіякампанія	Air Åland
Інтэрнэт-дамен	.ax
Тэлефонны код	+358 18
Часавы пояс	+2 / +3

Ала́ндскія астравы (шв.: Åland, фін.: Ahvenanmaa) — шведскамоўны архіпелаг астравоў, які палітычна адносіцца да Фінляндыі. У складзе Фінляндыі астравы маюць шырокую аўтаномію. Знаходзяцца ў Балтыйскім моры каля Батнічнага заліва. Спецыяльны статус астравоў гарантуецца міжнароднай супольнасцю.

У склад архіпелагу ўваходзяць каля 6,5 тыс. астравоў агульнай плошчай 1527 км². Плошча найбольшага вострава Аландаў складае 650 км². Колькасць насельніцтва складае каля 27,2 тыс. асобаў. Заселеныя каля 100 астравоў, пераважна людзьмі шведскага паходжання. Насельніцтва займаецца ў асноўным рыбнай лоўляй, жывёлагадоўляй і сельскай гаспадаркай. Адзіным горадам і сталіцай Аландскіх астравоў з'яўляецца Марыехамн. Тэрыторыя астравоў з'яўляецца дэмілітарызаванай зонай, тут забаронены нават пралёт самалётаў паветрана-вайсковых сілаў.

Палітыка

Згодна з Актам аб Самакіраванні Аландскіх астравоў ад 28 снежня 1951 году, з'яўляюцца парламенцкай рэспублікай у рамках аўтаноміі ў складзе Фінляндыі. Астравы маюць уласны парламент (Лагтынг), які складаецца з 30 дэпутатаў, абраных праз агульныя тайныя выбары. Яму падпарадкоўваецца ўрад (Ландскапсрэгерынг), які ў сваю чаргу складаецца з міністраў адукацыі, культуры, фінансаў, сацыяльных спраў і навакольнага асяроддзя, адміністрацыі і ўзаемадзеяння з Еўрапейскім Саюзам, прамысловасці і гандлю, і сувязі, які ўзначальваецца прэм’ер-міністрам (ландрадам).

Гісторыя

У XVIII стагоддзі праз Аландскія астравы праходзіў важны шлях з Санкт-Пецярбургу ў Стакгольм. 18 сакавіка 1809 году, пад час расійска-шведскай вайны рускія акупавалі астравы і далучылі іх, разам з Фінляндыяй, да Расійскай імперыі.

У 1856 годзе Парыжскі мірны дагавор надаў астравам асаблівы статус дэмілітарызаванай зоны, які захоўваецца да нашых дзён.

Вонкавыя спасылкі

• На ВікіСховішчы ёсць медыяфайлы па тэме Аландскія астравы