Партал:Астраномія

Астраномія

Вітаем Вас на партале Беларускай Вікіпедыі, прысвечаным Астраноміі. Астраномія — навука аб фізічнай будове, руху, паходжанні і развіцці нябесных целаў, іх сістэм і Сусвету як цэлага.

Аб'екты астраноміі вельмі разнастайныя, і спіс іх няспынна расце. Традыцыйнымі аб'ектамі з'яўляюцца Сонца, зоркі, планеты і іх спадарожнікі, метэорныя целы, туманнасці, зорныя скопішчы, зорныя сістэмы і Сусвет наогул. З рухам навукі наперад з'явіліся новыя аб'екты – пульсары, квазары, касмічныя прамяні, мікрахвалевае фонавае (рэліктавае) выпрамяненне, тэарэтычна прадказаныя чорныя дзіркі і гравітацыйныя хвалі.

На гэтым партале Вы зможаце даведацца больш пра гэтую навуку і тое, што з ёй звязана.

правіць

Добры артыкул

Hubble Deep Field

Hubble Deep Field (HDF) — выява невялікай вобласці ў сузор'і Вялікай Мядзведзіцы, атрыманая касмічным тэлескопам «Хабл». Вобласць, бачная на малюнку, роўная 5,3 квадратным вуглавым хвілінам — прыкладна ¹⁄_28000000 плошчы нябеснай сферы. Выява была сабрана з 342 асобных здымкаў, узятых з Шырокавугольнай планетнай камеры 2(англ.) бел. (англ.: Wide Field and Planetary Camera 2 — WFPC2), усталяванай на тэлескопе «Хабл». Пабудова малюнка праводзілася на працягу некалькіх дзён, у перыяд з 18 снежня па 28 снежня 1995 г.

Чытаць далей...

правіць

Выдатны артыкул

Тытан у натуральных колерах

Тытан (стар.-грэч.: Τιτάν) — найбуйнейшы спадарожнік Сатурна, другі па велічыні спадарожнік ў Сонечнай сістэме (пасля спадарожніка Юпітэра Ганімеда), з'яўляецца адзіным, акрамя Зямлі, целам у Сонечнай сістэме, для якога даказана існаванне вадкасці на паверхні, і адзіным планетным спадарожнікам, у якога ёсць шчыльная атмасфера.

Тытан стаў першым вядомым спадарожнікам Сатурна — у 1655 годзе яго выявіў галандскі астраном Хрысціян Гюйгенс...

Чытаць далей...

правіць

Выдатны спіс

Спіс аб'ектаў Сонечнай сістэмы па памерах

У дадзеным спісе аб'екты Сонечнай сістэмы прадстаўлены ў парадку памяншэння сярэдняга радыуса. У яго ўваходзяць Сонца, восем асноўных планет і іх спадарожнікі, карлікавыя планеты і кандыдаты ў карлікавыя планеты, а таксама найбольш буйныя астэроіды і шэраг іншых аб'ектаў, якія прадстаўляюць гістарычную або навуковую цікавасць, такіх як каметы і калязямныя астэроіды.

Архіў | Чытаць далей...

правіць

Кандыдаты у добрыя і выдатныя артыкулы і спісы

Камета Хейла — Бопа

Камета Хейла — Бопа (C/1995 O1) — доўгаперыядычная камета, якая стала, магчыма, самай «назіранай» каметай XX стагоддзя, і адной з самых яркіх за некалькі апошніх дзесяцігоддзяў. Яна была бачная няўзброеным вокам рэкордны тэрмін — 18 месяцаў, і гэта ў два разы больш папярэдняга рэкорду, усталяванага Вялікай каметай 1811.

Камета была адкрыта 23 ліпеня 1995 г. на вельмі вялікай адлегласці ад Сонца (каля 7,2 а . а.), дазваляючы выказаць здагадку, што яна будзе даволі яркай і пры падлёце да Зямлі. І хоць яркасць камет вельмі цяжка прадказаць з якой-небудзь ступенню дакладнасці, гэтая камета апраўдала і перасягнула чаканні, калі прайшла перыгелій 1 красавіка 1997 г.. Часам яе называюць «Вялікай каметай 1997»...

Чытаць далей...

правіць

Выява тыдня

правіць

Ці ведаеце, што...

... вулкан Алімп на Марсе з'яўляецца самай высокай гарой у Сонечнай сістэме і дасягае вышыні 21 кіламетра, што прыкладна ў 2.5 разы больш за Эверэст. Акрамя таго, ён з'яўляецца суседам яшчэ трох велізарных гор: гары Аскрыйскай, гары Арсія і гары Паўліна.
... На Тытане ёсць азёры, але не з вады, а з вадкага метану.
... Палярная зорка знаходзіцца ад нас на адлегласці 150 светлавых гадоў
... На Юпітэры ёсць ураган памерамі больш за Зямлю.